Čuvstvo

«Čutlivost» (ok. 1910), skulptura M. Blaja

Priklady šesti bazovyh emocij

Čuvstvo jest emocijny proces člověka, ktory odražaje subjektivno ocěnjajuče odnošenje do realnyh abo abstraktnyh objektov. Čuvstva odličajut se od afektov, emocij i nastrojenij.

Etimologija

Slovo «čuvstvo» jest pozajeto iz staroslovjanskogo, kde ono imalo pisanje чувьство i je bylo obrazovano s pomočju sufiksa -ьств- od slova чути; sufiks в medžu samoglaskami у i ь (чу-ьство) jest vstavkoju. Slovo чути strěčaje se vo mnogyh slovjanskyh jezykah (napriklad starorussky, ukrajinsky, bělorussky, poljsky, bulgarsky) v značenju «slušati, razuměti, čuvstvovati».

Možno zaključiti, že medžuslovjansko slovo «čuvstvo» odnosi se do procesa razuměnja čego-libo, poddavajemosti něčemu.

Smysl termina

Čuvstva to sut procesy vnutrnoj regulacije dějateljnosti člověka, odražajuče to znjačenje (smysl dlja procesa jegovogo žitja), ktoro imajut dlja njego realne abo abstraktne, konkretne abo obobčjene objekty, abo, inymi slovami, odnošenje subjekta do njih.

Čuvstva odražajut ne objektivnu, a subjektivnu, obyčajno nesvědomo ocěnjenje objekta. Pojavjenje i razvoj čuvstv izražaje formovanje izdržlivyh emocijnyh odnošenij (inymi slovami, «emocijnyh konstant») i osnovano na opytu interakciji s objektom. Iz-za togo, že tutoj opyt može byti protivrěčnym (imati i pozitivne, i negativne epizody), čuvstva ko mnogym objektam tož sut protivrěčne (ambivalentne).

Čuvstva mogut imati različne uravnji konkretnosti, od bezposrědnjih počutij, svezanyh s realnym objektom, do počutij, svezanyh s socialnymi cěnnostjami i idealami. Tute različne uravnji sut svezane s različnymi obobčenjami čuvstvenogo objekta. Socialne instituty, socialne simboly, podtrimajuče jihnu stabilnost, a takože oprěděljene ritualy i socialne dějstva igrajut veliku rolju v formovanju i razvitju najvyše obobčenyh čuvstv. Zajedno s razvitjem emocijnyh procesov razvivajut se i čuvstva, i, ačekoli one imajut svoje vlastne biologične osnovy, one sut produktom žitja člověka v spoločnosti, komunikaciji i vozpitanja.

Vněšnje linky

• Tutoj članok imaje prěvod iz članka «Чувство» v Vikipediji na russkom (spis avtorov; dozvoljen‌je CC BY-SA 4.0).