Ј (kirilica)

Ј ј (je, jota) je kirilična bukva upotrěbjajema medžu drugymi v srbskom, črnogorskom, makedonskom i medžuslovjanskom jezykah za označen‌je glasky [j], zaměsto bukvy й v drugyh kirilicah. V medžuslovjanskoj kiriličnoj azbukě ona zajmaje dvanadseto město, poslě и i prěd к. Jejin ekvivalent v latinici je j.

Ona byla vvedena v srbsku ortografiju Vukom Karadžićem v 1818 g. na osnově latinskoj bukvy j, ktora izgledaje identično. Tym sposobom Karadžić odstranil iz srbskoj ortografije ne toliko й, ale takože bukvy ю i я. V 1944–1945 lětah ona takože stala čest oficialnoj makedonskoj azbuky, a v 2009 g. črnogorskoj azbuky. Proby vveden‌ja jej v ukrajinsku ortografiju v drugoj polovině 19. stolětja (tako nazyvajema drahomanivka) byli bezuspěšne.

Bukva j takože je/byla upotrěbjena:

• v azerbajdžanskoj kirilici (oficialna od 1939 do 2001 g., nyně ješče upotrěbjajema v Dagestanu za glasku [j]
• v kildinsko-saamskom jezyku: [j̊]
• v komi-zyrjanskoj ortografiji Molodcova (1918–1932, 1936–1938): [j]
• v orokskom (tungussky jezyk govorjeny na Sahalinu): [j]
• v osetinskoj ortografiji Sjögrena (do 1923 g.): [j]
• v altajskoj ortografiji ona istnuje pored bukvy й i izgovarjaje se kako [ɟ] ili [d͡z]

Kodovan‌je

Kodovan‌je		Ј	ј
Nazva v Unikodu		CYRILLIC CAPITAL LETTER JE	CYRILLIC SMALL LETTER JE
Unikod	šestnadseterična sistema	U+0408	U+0458
	deseterična sistema	1032	1112
HTML	šestnadseterična sistema	Ј	ј
	deseterična sistema	Ј	ј
	alfabetična sistema	Ј	ј
UTF-8		D0 88	D1 98

Vněšnje linky

• "U+0408 Cyrillic Capital Letter Je". codepoints.net (na anglijskom).
• "U+0458 Cyrillic Small Letter Je". codepoints.net (na anglijskom).