Бєлоруси

Tutoj kratky članok jest v začetku.

Možete pomogti Vikipediji uveličenjem članka. (septembr 2022)

Бєлоруси (běl.: беларусы, biełarusy) сут возходнословјанскы народ. Сполно число бєлорусов јест 10 милионов људиј. Прєд всем живут в Бєлоруси (84,9% всєго јеј људства). Много бєлорусов такоже живут в Росији, Украјинє и Пољскє, кде сут националне меншинство. Бєлоруси обширно разселили се по територији былого СССР, а такоже прєселили се в ред стран за јего прєдєлами (Пољска, США, Канада, Нємција).

Бєлорусскы језык јест националны језык бєлорусского народа. Јего числет родным језыком абсолутна бољшест, при том, из-за трваној русификације, бољша чест бєлорусов говорит днешње в быту, основно на русском.

Хисторија

Бєлоруси подобно русам и украјинцам, належет к возходнословјанским народам. Возходнословјанске племена с VI вєка разпространили се на великој територији возходној Европы. С VI по X вєк в басејну Двины, врнхного Днєпра и Волги осадило се племе кривичев, Кторе подєлили се на двє групы: западну и возходну. Територија на сєверу од рєкы Припет были же територијеју размєшанја дреговичев.