Stranica iz prvogo izdanja bukvara Andreja Čočua (1909)
Г̆, г̆ (ge s brevisom) je historična kirilična bukva, osnovana na bukvě г i upotrěbjena od početka 20. stolětja do 1926 g. v abhazskom alfabetu, označajuča smekčeny zvučny velarny eksplosiv [gʲ], nyně označeny dvuznakom гь.[1]
Ona byla vvedena abhazskym pedagogom (i pozdnějšim prědsědateljem prezidiuma Vrhovnogo sověta Abhazskogo ASSR) Andrejem Čočua (1879–1965) i upotrěbjena tako nazyvajemym Prěvodničskym komitetom, ktory zajmal se prěvodženjem Biblije i drugoj religioznoj literatury na abhazsky.[2][3] Tutoj alfabet v istinnosti byl prodolženje prvogo abhazskogo alfabeta Pjotra Uslara iz 1862 g., a največša razlika bylo koristanje brevisa za označenje palatalizacije; ranějše varianty upotrěbjali k tomu cělju bukvu j, v tutom slučaju v formě dvuznaka гј.
