Гилгамеш

Гилгамеш (аккадскы: 𒀭𒄑𒂆𒈦 - Gilgāmeš; шумерскы: 𒀭𒄑𒉋𒂵𒎌 - Bilgames) јест персонаж стародавној Месопотамској митологије и протагонист епикы о Гилгамешу. Прєдположитељно, он је был Краљем Урука, кторого обожествали. Вєројетно јего влада је была в ранњему династичному меджуврємени (2900-2350 до н.е.). Он је стал важным персонажем митологије в третјему династичному меджуврємени (2112-2004 до н.е.).

Легендарне подвигы Гилгамеша набајаны в пети прєжившех Шумерскых поемах. Најдавнєјше из нјих вєројетно јест Гилгамеш, Енкиду и Подземны Свєт.

Име

Сучасна форма Гилгамеш произходи из аккадского 𒀭𒄑𒂆𒈦 - Gilgāmeš. Шумерска форма је писала се како 𒀭𒄑𒉋𒂵𒎌 - Bilgames. То име скорєје прєкладаје се како [сродник] јест херој. Једнако, слово сродник је спорно. Часом прєдлагаје се вариант же на шумерскому оно читало се како Пабилгамес. В онакому случају чест билга читала се како пабилга (𒉺𒉋𒂵). Сродны израз означаје родинны свез. Једнако та интерпретација не подтримывана епиграфичными або фонологичными доказами.