Й

Й й (bulg.: и кратко, rus.: и краткое, ukr.: йот) je bukva, ktora prědstavjaje glasku [j] v skoro vsih sučasnyh kiriličnyh ortografijah, s izključen‌jem srbskoj, makedonskoj i medžuslovjanskoj, v ktoryh zaměsto njej piše se kiriličnoju bukvoju j. Takože azerbajdžanska kirilica (1939–2001) i v komi-zyrjanska ortografija Molodcova (1918–1932, 1936–1938) koristali ј zaměsto й.

Izgovor v někojih ukrajinskyh dialektah prěhodi v [ʝ] ili [ç] na početku slova i medžu samoglaskami.

Ona izgledaje kako bukva и s brevisom, služečim kako znak kratkosti. Brevis – pozajety od grečskogo pisma ale v legko izměnjenoj formě – pojavil se v crkovnoslovjanskoj pismennosti v 15.-16. stolětjah za različen‌je medžu dolgym i kratkym и. Zatože ona uvažala se samoglaskoju, za njeju ne dodaval se mekky znak (ь) na koncu slova.

V russkoj redakciji, a takože v russkom, jejna upotrěba stala obvezna v 17. stolětju, ale vslěd reform Petra Velikogo vse diakritične znaky, vključno s brevisom, byli odstranjene iz azbuky. Bukva й byla odnovjena v 1735 g., ale toliko v 1930-yh lětah oficialno stala oddělna bukva v russkoj azbukě.

Kodovan‌je

Kodovan‌je		Й	й
Nazva v Unikodu		CYRILLIC CAPITAL LETTER SHORT I	CYRILLIC SMALL LETTER SHORT I
Unikod	šestnadseterična sistema	U+0419	U+0439
	deseterična sistema	1049	1081
HTML	šestnadseterična sistema	Й	й
	deseterična sistema	Й	й
	alfabetična sistema	Й	й
UTF-8		D0 99	D0 B9

Vněšnje linky

• "U+0419 Cyrillic Capital Letter Short I". codepoints.net (na anglijskom).
• "U+0439 Cyrillic Small Letter Short I". codepoints.net (na anglijskom).