Kirilična bukva D

Assirijsky novoaramejsky alfabet v bukvaru iz 1930 g.

D, d je bukva razširjenoj kirilice, pozajeta iz latinskogo alfabeta. Ona nahodila se v kiriličnom alfabetu assirijskogo novoaramejskogo jezyka od 1927 do 1930 g., označajuči suglasku [d~ð].

V lětah 1926–1928 tuta bukva takože nahodila se v kalmykskom alfabetu, v ktorom označala samoglasku [æ]. Ona byla vvedena v kalmyksky alfabet v septembru 1926 g. zaměsto raněje upotrěbjajemoj bukvy ӓ. Jednakože v fevruaru 1928 g. ju zastupila bukva я, v 1930 g. latinska bukva ǝ, v 1938 g. ponovno kirilična bukva ӓ, a od 1941 g. kirilična bukva ә.

Ona ne je zakodovana v Unikodu kako samostojna kirilična bukva, ale može byti pisany latinskoju bukvoju D d ili staroju komi bukvoju Ԁ ԁ