Н (kirilica)

Н, н (en) je bukva kiriličnoj azbuky, ktoroj osnovny izgovor je [n] ili, medžu drugymi v russkom jezyku, [nʲ] ili [ɲ] prěd palatalizujučeju samoglaskoju. V medžuslovjanskoj kiriličnoj azbukě ona zajmaje sedmnadseto město, poslě м i prěd њ. Jejin ekvivalent v latinici je n.

V staroslovjanskoj azbukě tuta bukva iměla nazvu нашь «naš» i čislno značen‌je «50». Ona proizhodi od grečskoj bukvy ny (Ν ν), ktora izvedla se iz feničskoj bukvy nun (𐤍). Prvopočetno jejna forma byla identična grečskoj, to znači s padajučeju srědnjeju črtkoju \, a jednočasno bukva И [i] (od grečskoj bukvy eta: Η, η) iměla formu shodnu nyněšnjej bukvě Н, s horizontalnoju srědnoju črtkoju. Jednakože od 13. stolětja směr srědnjej črtky v oboh bukvah postupno povrnula se v protivnom směru strělky časovnika. S vveden‌jem gradžanskoj azbuky versija s horizontalnoju srědnoju črtkoju stala obvezna za bukvu н [n].

Kiriličska bukva н ne imaje svezi s jejnym glagoličnym ekvivalentom (Ⱀ), ktorogo proizhodžen‌je je neizvěstno.

Kodovan‌je

Kodovan‌je		Н	н
Nazva v Unikodu		CYRILLIC CAPITAL LETTER EN	CYRILLIC SMALL LETTER EN
Unikod	šestnadseterična sistema	U+041D	U+043D
	deseterična sistema	1053	1085
HTML	šestnadseterična sistema	Н	н
	deseterična sistema	Н	н
	alfabetična sistema	Н	н
UTF-8		D0 9D	D0 BD

Vněšnje linky

• "U+041D Cyrillic Capital Letter En". codepoints.net (na anglijskom).
• "U+043D Cyrillic Small Letter En". codepoints.net (na anglijskom).