Rukopisna bukva У

Rukopisna bukva У ( ) je bukva razširjenoj kirilice, ktora byla upotrěbjena v baškirskom alfabetu baškirskogo učenogo Mstislava Aleksandroviča Kulajeva (1873–1958), publikovanom njim v 1912 g. Tutoj alfabet byl čest raznyh prob priměnjen‌ja russkogo alfabeta za baškirsky jezyk na koncu 19. i na početku 20. stolětija. On sodržival 34 bukv, iz ktoryh večinstvo bylo identično russkomu, a ostale byli izmysljene Kulajevom na osnově grečskogo alfabeta za označen‌je harakterističnyh zvukov baškirskogo jezyka. Jednakože onogda arabsko pismo imělo prěvagu, a praktična upotrěba jegovogo pravopisa byla prěvažno ograničena do jegovyh vlastnyh tvorov, ačekoli iměla značen‌je za pozdnějše razvitje baškirskoj kirilice.

Velika bukva pripominaje kiriličnu bukvu У, ale s dodan‌jem dvoh hačkov, a mala forma je mnogo podobna latinskoj bukvě y, takože s dvoma hačkami svrhu.

V sučasnoj baškirskoj kirilici jejin ekvivalent jest bukva Ү ү, izgovorjena kako [y] ili [w].

Baškiry alfabet Kulajeva (1912)

Kodovan‌je

i , kako i ostale bukvy Kulajeva, ne sut kodovane v Unikodu. V 2022 g. bylo vneseno prědložen‌je, da by je vključiti s kodovymi pozicijami U+1E07C i U+1E07D, ale ono ne dovedlo k realizaciji.