У (kirilica)

У, у je bukva kiriličnoj azbuky, ktory označaje samoglasku [u]. V medžuslovjanskoj kiriličnoj azbukě ona zajmaje dvadeset četvrto město, medžu bukvami т i ф. Jejin ekvivalent v latinici je u.

Sučasna bukva у proizhodi od staroslovjanskoj bukvy ѹкъ «nauka, učen‌je», ktora istnovala v dvoh formah: horizontalnoj (Ѹ, ѹ) i vertikalnoj (Ꙋ, ꙋ). Kombinacija bukv on (о) i ižica (ѵ) za označen‌je glasky [u] byla pozajeta bezposrědnje iz grečskoj kombinacije omikron+ypsilon (ου), ktora prědstavjala tuže samu glasku. Jednočasno byla takože versija ižice s «hvostikom» i titlom pod nazvoju ik (), ktora iměla čislno značen‌je «400» zaměsto ranějšej ižice. S vveden‌jem gradžanskogo pisma v 18. stolětju о bylo definitivno udaljeno i ligatura byla definitivno zaměnjena na modernu formu у.

Na osnově bukvy У byli takože stvorjene varianty:

• Ў: v bělorusskom, karakalpakskom i juitskom/jupikskom [w]; v uzbekskom [o]; v dunganskom [u]
• Ӯ: v tadžikskom [ɵ]; v mansijskom i aleutskom [u:]
• Ӱ: v altajskom, hakasskom, gagauzskom, hantyjskom i marijskom [y]
• Ӳ: v čuvašskom [y]
• У̊: v šugnanskom [ɵ]
• Ү: v kazahskom [ʏ]; v mongolskom, burjatskom i kalmykskom [u]; v baškirskom, tatarskom, kyrgyzskom, tuvinskom, ujgurskom, jakutskom i drugyh jezykah [y]
• Ұ: v kazahskom [ʊ]

Kodovan‌je

Kodovan‌je		У	у
Nazva v Unikodu		CYRILLIC CAPITAL LETTER U	CYRILLIC SMALL LETTER U
Unikod	šestnadseterična sistema	U+0423	U+0443
	deseterična sistema	1059	1091
HTML	šestnadseterična sistema	У	у
	deseterična sistema	У	у
	alfabetična sistema	У	у
UTF-8		D0 A3	D0 C3

Vněšnje linky

• "U+0423 Cyrillic Capital Letter U". codepoints.net (na anglijskom).
• "U+0443 Cyrillic Small Letter U". codepoints.net (na anglijskom).