Ш

Ш, ш (ša) je bukva kiriličnoj azbuky, ktora označaje bezzvučny retrofleksny frikativ [ʂ] v russkom, bělorusskom i srbskom jezykah, a bezzvučny postalveolarny frikativ [ʃ] v večinstvu ostalyh slovjanskyh i neslovjanskyh jezykov. Latinizacija zavisi od cěljnogo jezyka: š medžu drugymi v češskom i hrvatskom, sz v poljskom, sh v anglijskom, ch v francuzskom, sch v němečskom, sj v niderlandskom, s v madjarskom, i t.d.

V medžuslovjanskoj kiriličnoj azbukě ona zajmaje prědposlědnje (dvadeset deveto) město, medžu ч i ы. Jejin ekvivalent v latinici je š, a jejin izgovor vsegda je mekky.

V staroslovjanskoj azbukě tuta bukva takože iměla nazvu ша i izgledala identično s svojim glagoličnym ekvivalentom Ⱎ. Proizhodžen‌je oboh bukv pravdopodobno veze se s feničskoju bukvoju šin (𐤔), hebrejskoju bukvoju šin (ש) ili koptskoju bukvoju šaj (Ϣ). Kirilična bukva ne iměla čislno značen‌je, glagolična bukva iměla značen‌je «2000».

Kirilična bukva Щ pravdopodobno izvodi se iz ligatury bukv ш i т. Kromě togo, osnovana na bukvě Ш je medžu drugymi bukva šve (Ꚗ), ktora do 1926 g. byla upotrěbjena v abhazskom jezyku za označen‌je glasky [ʃʷ].

Kodovan‌je

Kodovan‌je		Ш	ш
Nazva v Unikodu		CYRILLIC CAPITAL LETTER SHA	CYRILLIC SMALL LETTER SHA
Unikod	šestnadseterična sistema	U+0428	U+0448
	deseterična sistema	1064	1096
HTML	šestnadseterična sistema	Ш	ш
	deseterična sistema	Ш	ш
	alfabetična sistema	Ш	ш
UTF-8		D0 A8	D0 C8

Vněšnje linky

• "U+0428 Cyrillic Capital Letter Sha". codepoints.net (na anglijskom).
• "U+0448 Cyrillic Small Letter Sha". codepoints.net (na anglijskom).