Ю̂

Ю̂, ю̂ (ju s cirkumfleksom) je bukva razširjenoj kirilice, sostavjena iz bukvy ю i cirkumfleksom. V 1860-yh lětah, kogda v Rosijskoj imperiji upotrěba latinice v oficialnyh publikacijah byla zabranjena, ona byla upotrěbjena v poljskoj kirilici kako jotovany ekvivalent bukvy о̂, odpovědajuči kombinaciji ió [ʲu] v latinici, na priklad v slovu збю̂ръ (pol.: zbiór «sbor»). Na tutom alfabetu bylo izdanyh několiko publikacij, medžu drugymi «Bukvar dlja selskyh dětij», «Gramatika poljskogo jezyka» i «Selska hrestomatija». V 1871 g. Aleksandr HilferdingАлександр Гильфердинг koristal variant tutogo alfabeta v svojej Občeslovjanskoj azbukě za zapisan‌je poljskogo teksta, v ktoroj ю̂ označaje poljsko ió, gornolužičsko jó i slovačsko jú.

Ačekoli latyšsky jezyk vsegda pisal se latiniceju, v 19. stolětju byli takože podjete proby vveden‌ja kirilice. Na priklad, v 1864 g. v Vilniusu byl izdany bukvar na kirilici, ktora vključala osm bukv s cirkumfleksom za označenje dolgoj samoglasky (а̂, е̂, э̂, о̂, у̂, ю̂, я̂, іо̂).

Bukva ю̂ takože byla upotrěbjena A. Aljbinskym v gramatikě marijskogo jezyka iz 1837 g. Prědloženy v njem alfabet vključal vse bukvy russkogo alfabeta kromě ѳ, a takože bukvy о̂, iо̂, ю̂, ію̂ i я̂. Bukva ю̂ odpovědaje sučasnoj marijskoj bukvě ӱ, na priklad v slovu ю̂дашъ «sějati» (v sučasnoj ortografiji ӱдаш).

Nakonec, bukva ю̂ byla koristana v prěvodu na tversky dialekt karelskogo jezyka Evangelja po Matěju iz 1820 g.

Poljska kirilica v «Bukvaru dlja selskyh dětij», 1865 g.

Kodovan‌je

Bukva Ю̂/ю̂ ne jest dostupna v Unikodu kako samostojny znak, ale može byti pisana s pomočju kombinujučego diakritičnogo znaka:

Kodovan‌je		Ю	ю	◌̂
Nazva v Unikodu		CYRILLIC CAPITAL LETTER YU	CYRILLIC SMALL LETTER YU	COMBINING CIRCUMFLEX ACCENT
Unikod	šestnadseterična sistema	U+042E	U+044E	U+0302
	deseterična sistema	1070	1102	770
HTML	šestnadseterična sistema	Ю	ю	̂
	deseterična sistema	Ю	ю	̂
	alfabetična sistema	Ю	ю	—
UTF-8		D0 AE	D0 CE	CC 82

Vněšnje linky

• "U+042E Cyrillic Capital Letter Yu". codepoints.net (na anglijskom).
• "U+044E Cyrillic Small Letter Yu". codepoints.net (na anglijskom).
• "U+302 Combining Circumflex Accent". codepoints.net (na anglijskom).