Stranica iz prvogo izdanja bukvara Andreja Čočua (1909)
Ӄ̆, ӄ̆ (ka s hakom i brevisom) je historična kirilična bukva, ktora od početka 20. stolětja do 1926 g. služila v abhazskom alfabetu kako palatalizivony variant bukvy ӄ; ona označala smekčeny i pridyhany velarny eksplosiv [kʲʰ], nyně označeny v abhazskom dvuznakom қь.[1]
Ona byla vvedena abhazskym pedagogom (i pozdnějšim prědsědateljem prezidiuma Vrhovnogo sověta Abhazskogo ASSR) Andrejem Čočua (1879–1965) i upotrěbjena tako nazyvajemym Prěvodničskym komitetom, ktory zajmal se prěvodženjem Biblije i drugoj religioznoj literatury na abhazsky.[2][3] Tutoj alfabet v istinnosti byl prodolženje prvogo abhazskogo alfabeta Pjotra Uslara iz 1862 g., a največša razlika bylo koristanje brevisa za označenje palatalizacije; ranějše varianty upotrěbjali k tomu cělju bukvu ј, v tutom slučaju v formě dvuznakov к̧j i ӄј.
