Ӆ

Ӆ, ӆ (el s hvostikom) – je bukva razširjenoj kirilice, stvorjena na osnově bukvy л. Ona nahodi se v alfabetu kildinsko-saamskogo jezyka, utvrdženom v 1979 g., a takože vo vsih pozdnějših jegovyh variantah. Kromě togo, ona koristaje se v jedinoj literaturnoj tvorbě na tersko-saamskom jezyku, sborniku stihov «Я̄лла» pisateljky Oktjabriny Voronovoj iz 1989 g.. V oboh jezykah ona označaje bezzvučny alveolarny lateralny aproksimant [l̥]. Zajedno s bukvami ҋ, ӎ, ӊ (takože označene hvostikom) i ҏ ona naleži k grupě bezzvučnyh sonantov, harakterističnyh za saamske jezyky.

Iz pričiny tehničnyh ograničenij bukva ӆ, ktora istnuje samo v alfabetu saamskyh jezykov, poněkogda koristaje se takože v drugyh jezykah (hantyjsky, itelmensky) zaměsto podobno izgledajučih bukv ԯ (s nižnjeju črtkoju) ili ԓ (s hakom). To veže se s tym, že saamska bukva uže byla vvedena v versiju 3.2 Unikoda v 2002 g., a ԓ toliko v versiju 5.0 (2006 g.) i ԯ v versiju 7.0 (2014 g.). Vslěd togo poslědje dvě bukvy sut odsutne v mnogyh fontah. Mimohodom, zaměnjen‌je takože je ne možno, ibo raněje dodano ԓ ne može byti odsutno v fontah, ktora uže imajut ӆ.

V rukopisnoj formě ӆ i ԯ sut identične: .

Kodovan‌je

Kodovan‌je		Ӆ	ӆ
Nazva v Unikodu		CYRILLIC CAPITAL LETTER EL WITH TAIL	CYRILLIC SMALL LETTER EL WITH TAIL
Unikod	šestnadseterična sistema	U+04C5	U+04C6
	deseterična sistema	1221	1222
HTML	šestnadseterična sistema	Ӆ	ӆ
	deseterična sistema	Ӆ	ӆ
UTF-8		D3 85	D3 86

Vněšnje linky

• "U+04C5 Cyrillic Capital Letter El with Tail". codepoints.net (na anglijskom).
• "U+04C6 Cyrillic Small Letter El with Tail". codepoints.net (na anglijskom).