Atari ST

Atari 1040 ST FM s monohromnym monitorom.

Atari ST — je grupa domovyh osobnyh-personalnyh kompjuterov od firmy Atari, ktore sut byli vypuščene od 1985-go leta do 199x. ST v nazvě grupy označaje Sixteen/Thirty-two (16/32) — 16-razredny kompjuter s 32-razrednoju vnutrnoju šinoju procesora Motorola 68000 .

Atari ST bazovala se na procesoru Motorola 68000 s operacijnoju pametju od 512 KB i 3,5-inčevym diskovodom. Prve modely Atari imali črno-bely monitor s razmerom 640x400 pikselev, a takože poddrživali grafičny režim v 320x200 pikselev s 16 cvetami-kolorami i 640x200 s 4 cvetami-kolorami.

Posledne modely Atari ST imali blitter — grafičny ulepšatelj, ktory delal operacije bitmapinga brzeje, da by elementy interfejsa brzeje rysovali se. Takože Atari ST imali operacijnu sistemu TOS.

Atari ST/STE imali MIDI-interfejs s 5-vtičnevym gnezdom. To silno popularizovalo te interfejsy. Potom programa Logic od firmy Emagic i Cubase od firmy Steinberg, ktore v prvy raz javili se na Atari, stali industrialnym standardom v muzikotvoriteljnoj sferě.

Modely

• 520ST+
• 520ST
• 260ST
• 520ST^M
• 520ST^FM
• 1040ST^F
• 1040ST^FM
• Mega ST
• 520ST^E и 1040ST^E
• Mega STE
• STacy
• ST Book

Instrumenty za tvorjenje program

• Atari ST BASIC
• GFA BASIC
• STOS BASIC
• DBASIC

Linky

Emulatory:

• Steem — za Microsoft Windows i GNU/Linux/X11
• SainT — za Microsoft Windows
• ARAnyM — Microsoft Windows, GNU/Linux, Mac OS X
• STonX — za Unix/X
• Hatari — za GNU/Linux, BSD, BeOS, Mac OS X
• Stella — za MorphOS i WarpOS