Boršč

Boršč jest supa, ktora obyčajna v Vozhodnoj Evropě i Sěvernoj Aziji. Najobyčajno boršč jest supa slovjanskogo pohodžeńja, ktory dělajut s cvekloju ako jednym iz glavnyh ingredientov i ktory imajet harakterističny črjveny kolor. Tože ime, jednako, imajut veliko čislo sup bez cvekly, take kak ščava supa («zeleny boršč»), žitovy běly boršč i kapustny boršč.

Jego popularnost razprostranila se po Vozhodnoj Evropě i byvšej Rosijskoj imperije i črěz migraciju na druge česti světa. V Sěvernoj Amerikě boršč često svezyvajut ili s jevrejami, ili s menonitami, grupami, ktore prvymi prinesli jego tudy iz Evropy.

Slovo «boršč» proizhodi iz praslovjanskogo *bъrščь «borščevnik», čto samo proizhodi od praindoevropejskogo *bhr̥sti- < *bhares-/bhores-. Borščevnik byl glavnym ingredientom supy, dopoka ne byl zaměnjeny drugoju zeleninoju, osoblivo cvekloju.

Vněšnje linky

Tutoj članok imaje prěvod iz članka «Borscht» v Vikipediji na anglijskom (spis avtorov; dozvoljen‌je CC BY-SA 4.0).