Deathchase
| Žanr | Shoot 'em up |
|---|---|
| Razrabotniki | Mervyn Estcourt |
| Izdavatelj | Micromega (Objedinjeno Kraljevstvo), Ventamatic (Španija), Timex (SŠA) |
| Data izdanja | 1983 |
| Tehnične dane | |
| Platforma | ZX Spectrum |
| Režim igry | Jedin igrač |
| Kontrolovanje | Klaviatura, džojstik |
Deathchase (medžusl.: Smrteljno gnanje) — je kompjuterna igra za platformu ZX Spectrum, ktoru napisal Mervin Estkort (ang.: Mervyn Estcourt) i ktoru izdala kompanija Micromega v Objedinjenom Kraljevstvu i kompanija Ventamatic v Španije. Upotrebjenje "3D" na krabkah s igroju stalo pričinoju za to, že igru historično grešno nazyvajut kako "3D Deathchase".
Kompanija Timex izdala Deathchase za svoje kompjutery v Sjedinjenyh štatah Ameriky pod imenem "Cyclepath"
Sjužet-fabula
[praviti | praviti izvorny kod]Igrač imaje rolj slugy zakona, vodi motocikl i patruliruje lesnu teritoriju. Motocikl igrača imaje ognjestreljno oružje, s pomočju ktorogo on povinen izničtožiti neprijatelja. Neprijateljem sut nekoliko motociklov sinjego i želtogo cveta-kolora. Igrač povinen uklonjati se od drevjev. Za každogo izničtožennogo neprijatelja igrač dobyvaje 1000 dolarov. Kogda igrač izničtožaje vsih neprijateljev, to prehodi na drugy uravenj, ktory je toj že, ale v nočny čas. Posle nočnogo vremeni igrač ide v drugu lokaciju, v ktoroj veličina drevjev vyše. Kromě neprijateljev na motociklah sut neprijatelji na vrtoletah i tankah. Za izničtoženje vrtoletov i tankov igrač dobyvaje dodatne dinary.
Igra ne imaje scenarnogo konca i ide do togo časa, dopoka igrač ne sgubi vse proby. Sovkupno v igrě sut 8 uravnjev. Kogda igrač prohodi vse uravnji, to vračaje se do 1-go[1].
Recenzije
[praviti | praviti izvorny kod]Igra dobyla dobre recenzije od presy osnovno za to, že gejmplej na toj moment dostatno realistično pokazyval 3D svet. Zapis v žurnalu Crash opisyvala je igru kako "igru s najprostoju idejeju i dobro postavjenym zadanjem" i dala igrě ocenku 92%[2].
Igra dobyla prvo mesto v spisku 100 najlepšyh igr za ZX Spectrum po versije žurnala Your Sinclair [3][4] i 98 mesto v spisku 100 najlepšyh igr za ZX Spectrum od žurnala Crash.
Remejk
[praviti | praviti izvorny kod]V 2000-om letu žurnal Edge v tematičnoj sekcije "Retro Special" predstavil igru Death Chase, ktoru napisal Endrju Lejden (ang.: Andrew Leyden)[5].
Mini-igra 3D Deathchase jest v igrě Xi od nDreams za Playstation 3.
Iztočniky
[praviti | praviti izvorny kod]- ↑ Estcourt, M J (1983). "DEATHCHASE by M J Estcourt". Deathchase Instructions. Micromega. Data dostupa: 6 aprilja 2021.
- ↑ "DEATHCHASE". Crash. Newsfield Publications Ltd. februara 1984. Data dostupa: 11 februara 2009.
- ↑ "The Your Sinclair Official All-Time Top 100 Spectrum Games". Your Sinclair_(žurnal). Future Publishing. oktobra 1991. Data dostupa: 11 februara 2009.
- ↑ "The YS Official Top 100 Part 5". The Your Spectrum Rock 'n' Roll Years. 1 februara 1992. Bylo arhivovano iz iztočnika 21 avgusta 2015. Data dostupa: 1 septembra 2024.
- ↑ Edge presents: Retro, Future Publishing 2002, Friends Reunited article
Vnešne linky
[praviti | praviti izvorny kod]- Deathchase na sajtu World of Spectrum
- Deathchase dostupna za igru bezplatno v brauzeru na Internet Archive
- Deathchase 2002 na Internet Archive