Družstvo za jezykotvorjenje
Logotip LCS je okrugly variant tutoj horugvy s tekstom Language Creation Society i Fiat Lingua.
Družstvo za jezykotvorjenje (ang.: Language Creation Society, LCS) je organizacija non-profit, založena v 2007 g i imajuči svoje sědališče v Kaliforniji. Jej glavnym cěljem je promovanje umětnyh jezykov, davanje podpora jezykotvorcam (ang.: conlangers) i razprostranjanje informacije o umětnyh jezykah i občinah posluživajučih ili zajmajučih se umětnymi jezykami. Kromě togo LCS takože služi kako posrědnik medžu tvorcami artističnyh tvorb (napr. knig, filmov ili igr), ktori potrěbujut umětny jezyk za dodanje glubiny fiktivnoj kultury, i jezykotvorcami, ktori htěli by rabotati profesionalno.
Cělje
[praviti | praviti izvorny kod]Glavnymi cěljami LCS sut:[2]
- promovanje umětnosti, remesla i nauky jezykotvorjenja posrědstvom konferencij, knig, žurnalov, publičnyh sobytij i drugyh sposobov,
- organizovanje vsakogodišnjej Konferencije o jezykotvorjenju, za obgovorjenje i promovanje akademičskyh, artističnyh, lingvističnyh, sociologičnyh, prisposobjenyh i drugyh perspektiv jezykotvorjenja; za povyšenje statusa oblasti jezykotvorjenja; za pobudženje originalnyh raziskyvanj i dostavjenje k tomu foruma,
- sobranje vsih rodov jezykotvorjenja bez prědsudij, ujedinjenje občin jezyktvorcev (vključajuči artistične jezyky, pomočne jezyky, konceptualne jezyky, medžujezykov i tako dalje), služenje kako primarny izvor za ljudij vně občiny (napr. učiteljev, studentov, presy, pisateljev, scenaristov i t.d.),
- druge dobročinne, obrazovateljne, raziskyvateljske i/abo kniževne aktivnosti, ktore odnoset se bezposrědnje k umětnosti, remeslu i/abo naukě jezykotvorjenja.
Vtornymi cěljami sut:[2]
- promovanje i razprostranjenje vsih jezyčnyh občin, ktore koristajut umětne jezyky (konlangy),
- dostavjenje publičnogo města dostupa za dobryh jezykotvoriteljev, podobnogo pisateljskoj gildiji,
- druge dobročinne, obrazovateljne, raziskyvateljske i/abo kniževne aktivnosti, ktore odnoset se k stvorjenym jezykam.
Uslugy
[praviti | praviti izvorny kod]Srěd uslug LCS je posrědničstvo za tvorcev artistističnyh děl, ktori potrěbujut umětny jezyk za knigu, filma, igry i t.d. V prvyh lětah bylo tako, že klient šlje podanje, v ktorom točno opisyvaje, čto je mu potrěbno i kakogo roda umětny jezyk išče; potom jegovo podanje je prěsylano do zainteresovanyh jezykotvorcev, ktori mogut napisati prědloženje. Te prědloženja ocěnjaje nezavisna družina dobrovoljcev, ktora potom prěsylaje najlěpše prědloženja do klienta, a klient izbiraje jedno iz prědloženj za daljše razvitje danym jezykotvorcem.[3] V pozdnějših lětah podanja sut prěsylane do vsih členov LCS, da by mogli kontaktovati se bezposrědnje s klientom.
Prvy veliky projekt, ktory povstal za posrědničstvom LCS, byl jezyk DothrakiДотраки, stvorjeny Davidom J. PetersonomДевидом Дж. Питерсоном, ktorogo HBO najel za televizijny serial Igra tronov (ang.: Game of Thrones) na osnově knig George'a R. R. MartinaДжорджа Р. Р. Мартина «Pěsnja leda i ognja» (ang.: A Song of Ice and Fire).[4] Srěd pozdnějših značimyh jezykov stvorjenyh za polnometražne filmy sut Leosprache, stvorjeny Olivierom Simonom za němečsky film Der Liebe Leo,[5] i Boksirit, stvorjeny Janom van Steenbergenom za indijsky film BokshiБокши.[6] Bill Welden byl konsultovany odnosno elfičskyh jezykov v kinematografičnoj trilogiji Vladar prstenjev.[7]
Srěd inyh uslug sut, medžu drugymi, biblioteka, bezplatny vebhosting za členov, Conlang Atlas of Language Structures, kopija e-poštnogo spiska CONLANG i agregator blogov jezykotvorcev. Od 2011 g. LCS publikuje vsakoměsečny žurnal, Fiat Lingua, o raznorodnyh temah svezanyh s tvorjenjem jezykov, vključno s lingvističnymi temami interesnymi za jezykotvorcev, analizami osobnyh umětnyh jezykov i recensijami knig.[8] V lětah 2009–2012 LCS takože publikoval podkast[9] s intervju'ami s važnymi konlangerami, ale jejnu rolju (neoficialno) prějel kanal Conlangery.[10]
Konferencija o jezykotvorjenju
[praviti | praviti izvorny kod]Menje-bolje vse dva lěta LCS organizuje medžunarodnu konferenciju (ang.: Language Creation Conference, LCC), ktora fokusuje se glavno na procesu tvorjenja novyh jezykov, ale takože sodrživaje prezentacije o različnyh individualnyh jezykah, tehnične diskusije o jezykoznavstvu, debaty i diskusije o občih, sociologičnyh ili filozofičnyh prědmetah.[11]
Konferencije, ktore se odbyli:
| Konferencija | God i data | Grad | Država |
|---|---|---|---|
| LCC 1 | 2006, 23 aprilja | BerkeleyБеркли, Kalifornija | SŠA |
| LCC 2 | 2007, 7–8 julija | BerkeleyБеркли, Kalifornija | SŠA |
| LCC 3 | 2009, 21-22 marca | ProvidenceПровиденс | SŠA |
| LCC 4 | 2011, 14–15 maja | Groningen | Niderlandy |
| LCC 5 | 2013, 4–5 maja | Austin, TexasОстин, Тексас | SŠA |
| LCC 6 | 2015, 25–26 aprilja | HorshamХоршем | Objedinjeno kraljevstvo |
| LCC 7 | 2017, 22-23 julija | CalgaryКалгари | Kanada |
| LCC 8 | 2019, 22–23 junija | CambridgeКембридж | Objedinjeno kraljevstvo |
| LCC 9 | 2021, 6–7 marca | (onlajn) | |
| LCC 10 | 2023, 22–23 aprilja | (onlajn) | |
| LCC 11 | 2025, 11–13 aprilja | College Park, MarylandКолледж Парк, Мериленд | SŠA |
| LCC 12 | 2026, 10–12 julija | Kopenhagen | Danija |
Prědsědnik
[praviti | praviti izvorny kod]Prědsědnikami LCS byli dotud: SaiСај (2007–2011), David J. PetersonДевид Дж. Питерсон (2012–2014), Christophe Grandsire-KoevoetsКристоф Грансир-Кувутс (2014–2018), Joseph WindsorДжосеф Виндсор (2018–2024) i Margaret Ransdell-GreenМаргарет Рансделл-Грин (2024– ).[12]
Iztočniky
[praviti | praviti izvorny kod]- ↑ "Conlang Flag". conlang.org (na anglijskom). Data dostupa: 15 julija 2026.
- 1 2 "LCS Documents" (na anglijskom).
- ↑ Henry, Jim. "Dothraki and Esperanto: an interview with language creator David J. Peterson" (PDF). Usona Esperantisto (na anglijskom). str. 7–9.
- ↑ Wright, Ellen B. (22 aprilja 2010). "Creating Dothraki: An Interview with David J. Peterson and Sai Emrys". Tor.com (na anglijskom).
- ↑ "Philip Newton, introduction to showing of ''Der Liebe Leo'' at LCC4". Ustream.tv (na anglijskom). Bylo arhivovano iz iztočnika 29 septembra 2011.
- ↑ Das, Tina (25 januara 2025). "Horror film 'Bokshi' flips the wicked witch concept—gore, folklore, and feminine power". ThePrint (na anglijskom).
- ↑ "Defenders of The Ring up in arms at myth in the making". Times Higher Education. 3 avgusta 2001. Data dostupa: 19 septembra 2011.
- ↑ "Fiat Lingua". Language Creation Society. ISSN 2156-566X. Data dostupa: 6 junija 2016. Cite journal requires
|journal=(pomoč) - ↑ "Language Creation Society. Words about created words". podcast.conlang.org. 10 februara 2009. Data dostupa: 15 julija 2026.
- ↑ "Conlangery" (na anglijskom).
- ↑ "Language Creation Conference". conlang.org (na anglijskom). Data dostupa: 15 julija 2026.
- ↑ "LCS Board Officers and Directors". conlang.org. Data dostupa: 15 julija 2026.