Elektromagnetična radiacija

Diapazony elektromagnetičnyh čestot. "UHF" označaje "ultra high frequency," VHF "very high frequency". Obadva v minulosti se koristali v SŠA za televiziju.

Elektromagnetične volny sut volny, ktore sodrživajut električno polje i magnetično polje i prěnoset energiju. Oni putujut so skorostju světla (299,792,458 metrov za sekundu).

Kvantova mehanika jest izrabotana na osnově izučenja elektromagnetičnyh voln. Tuta oblast vključaje izučenje kako vidimogo světla, tako i nevidimoj radiacije. Vidimo světlo jest elektromagnetična radiacija, ktoru jest možno viděti obyčnym zrěnjem v dugovyh kolorah. Nevidima radiacija ne jest viditelna obyčajnym zrěnjem i vključaje volny s vysšej energijeju i frekvencijeju, kako sut ultrafioletove, rentgenove i gamma luče. Volny s vysšeju dolžinoju, kako sut infračrvene, mikrovolny i radiovolny, sut takože prědmetom kvantovoj mehaniky.

Něktore tipy elektromagetičnoj radiacije kako napriklad rentgenove luče sut ionizujučeju radiacijeju i oni mogut byti škodlivymi na zdravje. Ultrafioletove luče sut blizko fioletovogo konca světelnogo spektra, a infračrvene sut blizko jego črvenogo konca. Infračrvene luče sut lučami, ktore nesut teplo, a ultrafioletove luče mogut pričinjati solnečne opekliny.

Razne česti elektromagnetičnogo spektra različajut se opreděljaučimi jih dolžinoju volny, čestotoju i kvantovoju energijeju.

Zvukove volny ne sut elektromagnetičnymi volnami, ale to sut volny pritiska v vozduhu, vodě ili inoj substanciji.

Matematične formuly

V fizikě jest izvěstno volnovo uravnjenje dlja tipičskoj volny,

$\nabla ^{2}f={\frac {1}{c^{2}}}{\frac {\partial ^{2}f}{\partial t^{2}}}$.

Zadanjem tut jest dokazati, že uravnjenja Maksvela jednoznačno dokazyvajut, že električno i magnetično polja sozdavajut elektromagnetičnu radiaciju. Pripomnimo, že dva uravnjenja Maksvela imajut vid

$\nabla \times \mathbf {E} =-{\frac {\partial \mathbf {B} }{\partial t}}$

$\nabla \times \mathbf {B} =\mu _{o}\mathbf {j} +\mu _{o}\varepsilon _{o}{\frac {\partial \mathbf {E} }{\partial t}}$

Ocěnjajuči rotor vyše uvědenyh uravnjenij i črez vektorno izčisljenje, jest možlivo dokazati nastupne uravnjenja:

$\nabla ^{2}\mathbf {E} ={\frac {1}{c^{2}}}{\frac {\partial ^{2}\mathbf {E} }{\partial t}}$

$\nabla ^{2}\mathbf {B} ={\frac {1}{c^{2}}}{\frac {\partial ^{2}\mathbf {B} }{\partial t}}$

Primětka: dokaz prědpokladaje zaměnu

$c={\frac {1}{\sqrt {\mu _{o}\varepsilon _{o}}}}$

Vyše uvědene uravnjenja sut analogične volnovomu uravnjenju, s zaměnoju f na E i B. Tute uravnjenja označajut, že razprostranjenje črez magetično (B) ili električno (E) polja bude iztvarjati volny.

Čitati dalje

• Foton (na anglijskom)
• Hecht, Eugene (2001). Optics (4th izd.). Pearson Education. ISBN 0-8053-8566-5.
• Serway, Raymond A.; Jewett, John W. (2004). Physics for Scientists and Engineers (6th izd.). Brooks/Cole. ISBN 0-534-40842-7.
• Tipler, Paul (2004). Physics for Scientists and Engineers: Electricity, Magnetism, Light, and Elementary Modern Physics (5th izd.). W. H. Freeman. ISBN 0-7167-0810-8.
• Reitz, John; Milford, Frederick and Christy, Robert (1992). Foundations of Electromagnetic Theory (4th izd.). Addison Wesley. ISBN 0-201-52624-7.CS1 maint: multiple names: authors list (link)
• Jackson, John David (1975). Classical Electrodynamics (2nd izd.). John Wiley & Sons. ISBN 0-471-43132-X.
• Allen Taflove and Susan C. Hagness (2005). Computational Electrodynamics: The Finite-Difference Time-Domain Method, 3rd ed. Artech House Publishers. ISBN 1-58053-832-0.

Vnešnje linky

• "Electromagnetic Waves from Maxwell's Equations" (PDF). Bylo arhivovano iz iztočnika (PDF) 10 julija 2007.
• "Conversion of frequency to wavelength and back - electromagnetic, radio and sound waves". Bylo arhivovano iz iztočnika 11 mareca 2012.
• "eBooks on Electromagnetic radiation and RF". Bylo arhivovano iz iztočnika 18 dekembra 2007.
• "The Science of Spectroscopy". Bylo arhivovano iz iztočnika 23 mareca 2019. (Supported by NASA. Spectroscopy education wiki and films - introduction to light, its uses in NASA, space science, astronomy, medicine & health, environmental research, and consumer products.)
• Tuty članok sodrživaje prěklad iz članka «Electromagnetic radiation» v Vikipediji na prostom anglijskom (spis avtorov; dozvoljeńje CC BY-SA 4.0).