Eros

Eros (s.-greč. Ἔρως «Ljubov, želanje») — grečsky bog ljubvi i seksa. Rimjani imenovali jego Kupidonom abo Amorom^[1]. V samyh rannjih iztočnikah on jest početkovym bogom, togda kak v pozdnějših on jest synom Afrodity.

Obyčajno jego prědstavjajut kako krasnogo junaka, ačekoli v něktoryh obrazah on jest žovialnym mladcem, ktory vsegda nahodi se redom so svojeju materju. V obadvoh slučajah on jest krilaty i nosi svoj harakterističny luk i strěly, s pomočju ktoryh on zaljubjaje v sebe kako smrtnyh, tako i bezsmrtnyh bogov, često rukovodimy Afroditoju. Jegova rolja v mitah osnovno jest pomočna: on često pojavjaje se v kompaniji Afrodity i inyh božstv ljubvi i nerědko vystupaje katalizatorom pojavjenja u ljudij čuvstv, jednako samostojnoj, unikalnoj mitologije on praktično ne imaje. Najglavnějšim izključenjem iz togo pravila jest mit ob Erosu i Psiheji — historija o tom, kako on strětl svoju ženu i zaljubil se v nju.

Eros i Kupidon v umětničskoj tradicije takože sut znajemi pod imenami «putto» (množina — «putti»). Prividno, ikonografija putto v budučnosti okazala vliv na obraz, izvěstny kako «heruvim» (množina — «heruvimi»). I putti, i heruvimov možno uviděti v hristijanskoj umětnosti na proteženju vsego Srědnjevěčja i epohy Vozrodženje. Tuta poslědnja iteracija Erosa/Kupidona stala je jednym iz najglavnějših obrazov i simbolov Dnja svetogo Valentina^[2].

Etimologija

Grečsko slovo ἔρως (eros) označaje «želanje» (odsud i erotizm) i proizhodi od glagola ἔραμαι (erami) i v infinitivu ἐρᾶσθαι (erasthai) «želati, ljubiti», etimologija ktorogo ne jest jasna. R. S. P. Beekes mněvaje, že slovo dogrečskogo proizhodženja.^[3]

Gledite takože

Eros (koncepcija)

Žrla

↑ Tripp, s.v. Eros, p. 232.
↑ Anthony Grafton; Glenn W. Most; Salvatore Settis, red. (2010). "Cupid". The Classical Tradition. Harvard University Press. str. 244–246.
↑ R. S. P. Beekes, Etymological Dictionary of Greek, Brill, 2009, p. 449.

Vněšnje linky

Tutoj članok imaje prěvod iz članka «Eros» v Vikipediji na anglijskom (spis avtorov; dozvoljen‌je CC BY-SA 4.0).

[1] Tripp, s.v. Eros, p. 232.

[2] Anthony Grafton; Glenn W. Most; Salvatore Settis, red. (2010). "Cupid". The Classical Tradition. Harvard University Press. str. 244–246.

[3] R. S. P. Beekes, Etymological Dictionary of Greek, Brill, 2009, p. 449.

[1]

[2]

[3]