Filozofija

Filozofija (iz starogrečskogo φιλοσοφία, bukvalno "ljubov do mudrosti") jest sistematično izučanje najvyše osnovnyh problemov, kako sut, napriklad, bytje, mysljenje, moral, jezyk.

Filozofija imaje několiko razdělov: metafizika, ontologija, epistemologija, etika, estetika. Filozofija nauky zajmaje se granicami i metodologijeju oddělnyh nauk (napriklad, filozofija historije, filozofija biologije) i nauky generalno. Velmi těsno filozofija jest svezana s logikoju i teologijeju.

Filozofija je vozniknula priblizno v VII—VI věkah prěd rodženjem Hristosa v Greciji, Indiji i Kitaju i je ovplyvnila razvoj nauky, religije i spoločnogo stroja vseh modernyh krajin.