Francuzska revolucija

Tutoj kratky članok jest v začetku.

Možete pomogti Vikipediji uveličenjem članka. (oktobr 2024)

Zajetje Bastilje, 14 julija 1789

Francuzska revolucija (1789—1799) ili Velika francuzska revolucija byla serija značnyh sobytij v koncu XVIII věka, izměnivših socialno i politično ustrojstvo Francije, a takože okazavših veliky vliv na razvitje demokratičnyh i liberalnyh idej v Evropě i světu.

Imenovanje

Takože jestvuje termin «Revolucija 1789 goda», ktory označaje konec «starogo stroja» (fr.: ancien régime) i služi dlja različenja VFR od revolucij 1830 i 1848.

Osnovne pričiny

1. Socialna neravnost (děljenje na tri soslovija ili stana).
2. Ekonomična kriza.
3. Ideje prosvěčanja.
4. Nezadovoljstvo kraljevskoju vladoju.

Hod sobytij

1789

Sozvanje Generalnyh štatov

V petom měsecu 1789 goda kralj sozval Generalne štaty (fr.: Estates-General) iz vseh trěh soslovij zaradi diskusije o platbovyh reformah. Jednako směsta vozniknula zagadka: glasovati po ljudam (i togda vyšnost bude u tretjego soslovija) ili po soslovijam (i togda dva privileženyh soslovija mogut prěglasovati tretje).

Stvorjenje Nacionalnogo sobranja

17 dnja šestogo měseca tretje soslovije, nezadovoljeno svojim malym vlivom, oglasilo sebe Nacionalnym sobranjem i požedalo reform. Kogda 20 dnja vlada zakryla jih izbu dlja sobranij, oni zajeli kraljevsku tenisnu salu i dali zarok ne razhoditi se poka ne dadut Francije novy ustav.