Fryderyk Chopin
Fryderyk Franciszek ChopinФридерик Францишек Шопен (pol.: Fryderyk Franciszek Chopin, fr.: Frédéric François Chopin), spoljščena forma: Szopen (ur. 22 fevruara ili 1 marca 1810 v Želazovoj Volji, um. 17 oktobra 1849 v Parižu) byl poljsky kompizitor i pianist světovoj slavy. On byl svezany s Francijeju i žil tam od oktobra 1831 g. On takože byl syn spolonizovanogo Francuza. Uvažany jest za jednogo iz najdostojnějših romantičnyh kompozitorov, a takože za jednogo iz najvažnějših poljskyh kompozitorov v historiji. On takože byl jednym iz najslavnějših pianistov svojih časov, često jest uvažany poetoju fortepiana. Elementy harakteristične za tvorov ChopinaШопена sut poglubjena ekspresivnost i črpanje iz stilističnyh vzorov poljskoj narodnoj muziky.
Vse tvory ChopinaШопена imajut fortepiano. Večinstvo jest na fortepiano solo, ale on takože napisal dva fortepianne koncerty prěd izjezdom iz Varšavy, kameralnu muziku i 19 pěsnej na poljskyh tekstah. Jego tvory na fortepiano sut tehnično izmagajuče i razširili granice instrumenta; jego vlastne prědstavjenja byli znane za njuans i čutlivost. Glavne tvory ChopinaШопена na fortepiano vključajut mazurky, valsy, nokturny, polonezy, instrumentalnu baladu (ktoru Chopin stvoril kako instrumentalny žanr), etjudy, impromptu, skerci, preludije i sonaty, něktore byli opublikovane posmrtno. Srěd vplyvov na jego stilj komponovanja byla poljska narodna muzika, klasična tradicija Wolfganga Amadeusa MozartaВолфганга Амадеуса Моцарта i Franza SchubertaФранца Шуберта, i atmosfera v parižskyh salonah, kde on byl česty gost. Jego inovacije v stilju, harmoniji i muzikalnoj formě, a takože svez jego muziky s nacionalizmom, iměli vplyv prěz caly romantičny period i pozdněje.