Galaktičny god

Panoramična fotografija Mlěčnoj puti, sdělana iz Doliny smrti

Galaktičny god, poněkogda takože nazyvajemy kosmičnym godom, je čas, ktory Solnečna sistema potrěbuje na sovršen‌je jednogo obrata vokrug centra Mlěčnoj puti. Dolgota togo časa odpovědaje, bolje ili menje, 225 do 250 milionov «zemskyh» lět.

Galaktičny god je praktična fizična jedinica za podrazděljen‌je kosmičnyh i geologičnyh periodov v historiji – v protivnosti k milionu ili miliardu lět, čto je prěmalo ili prěmnogo za praktičnu upotrěbu na izraznoj skalě.

Historija Zemje v galaktičnyh godah

V slědujučem spisu 1 galaktičny god (GG) = 225 milionov lět

• -40 GG: Povstan‌je Mlěčnoj puti
• 0 GG: Povstan‌je Solnca
• 4 GG: Povstan‌je okeanov na Zemji
• 5 GG: Povstan‌je žitja na Zemji
• 6 GG: Pojavjen‌je prokariot
• 7 GG: Razvitje bakterij
• 10 GG: Tvorjen‌je kontinentov
• 13 GG: Povstan‌je evkariot
• 16 GG: Povstan‌je mnogoklětočnyh organizmov
• 17,8 GG: Kambrijska eksplozija
• 19 GG: Masovo permso-triassko izumiran‌je
• 19,6 GG: Kredo-paleogenovo izumiran‌je
• 19,999 GG: Pojavjen‌je člověka
• 20 GG: Nyně

Vněšnje linky

• Period of the Sun's Orbit around the Galaxy (Cosmic Year)], Fysics factbook
• Hubble's Secret: Orbiting the Milky Way's Mysterious Center -A Galaxy Insight], The Daily Galaxy, 24 oktober 2007

Izvor

• Tutoj članok imaje prěvod iz članka «Galactisch jaar» v Vikipediji na niderlandskom (spis avtorov; dozvoljen‌je CC BY-SA 4.0).