Institut Servantesa
| Institut Servantesa | |
|---|---|
|
| |
| Tip organizacije | Državna institucija |
| Država | Španija |
| Jezyky | špansky, ine oficialne jezyky Španije |
| Cělj organizacije | Popularizacija španskogo jezyka i kultury španogovorečih držav, glavno Španije |
| Websajt | www.cervantes.es |
|
Državy, kde Institut Servantesa imaje svoje prědstaviteljstvo
| |
_05.jpg)
Institut Servantesa (špan.: Instituto Cervantes) jest španska državna institucija, čije glavne cělje sut popularizacija i obučenje španskomu jezyku, a takože razprostranjenje kultury Španije, Španojezyčnoj Ameriky, Ekvatorialnoj Gvineje i Zapadnoj Sahary. Organizacija bere svoju nazvu od imeni pisatelja Migelja Servantesa.
Jest založena v 1991 roku državnoju vladoju Španije i jest zavisna od ministerstva zagraničnyh děl, organizacija imaje svoje prědstaviteljstva v 103 gradah 52 držav. Jih glavny ofis jest položeny v budynku Kariatid (takože znanom kak budynok "Servantes") na ulici Alcalá de Madrid.
V medžunarodnom smyslu, institut Servantesa jest podobny Britanskomu sovětu (British Council), Alians francez (Alliance française), němečskomu Institutu Gjote (Goethe-Institut), italianskomu družstvu Dante Aligjeri i portugalskomu Instituto Camões, každy iz kojih jest posvečeny kulturnomu razprostranjenju i lingvističnoj popularizacije svojih držav.
Historija
[praviti | praviti izvorny kod]Byl stvorjeny 21 marca 1991 roka državnoju vladoju Španije pod hraniteljstvom španskyh kraljev[1] i pod mandatom prezidenta Felipe Gonzaleza, zavisny od ministerstva zagraničnyh děl[2].
Cělje i funkcije
[praviti | praviti izvorny kod]Cělje instituta Servantesa[3] sut oprěděljene suglasno paragrafu 3 zakona 7/1991 od 21 marca:
- Razprostranjati vseměstno obučenje, izučenje i posluživanje španskym jezykom, a takože stvorjati sposoby za povyšenje kvaliteta tutyh aktivnostij.
- Prinositi vklad v razprostranjenje kultury za graniceju v koordinaciji s inymi organami državnoj administracije.
Aby to zabezpečiti, institut zajmaje se:
- Organizacijeju kursov španskogo jezyka
- Organizacijeju kursov po oficialnym jezykam Španije
- Organizacijeju ekzamenov i izdavanju Diplomov španskogo kak inostrannogo jezyka (Diplomas de Español como Lengua Extranjera, DELE)
- Obnovjenju metod obučenja i prigotovjenja učiteljev
- Poddrživati trud španistov
- Razprostranjati špansky jezyk
- Surabotati s institucijami, družstvami i državami v španskoj Amerikě, aby razprostranjati jih kulturu.
Spis literatury
[praviti | praviti izvorny kod]- ↑ Ley 7/1991, de 21 de marzo, por la que se crea el Instituto Cervantes. Data posěčenja 20 januara 2026
- ↑ Creado el Instituto Cervantes para la promoción y difusión del español en el mundo, El País. Data posěčenja 20 januara 2026.
- ↑ Información sobre objetivos y funciones, Instituto Cervantes. Data posěčenja 20 januara 2026.
Vněšnje linky
[praviti | praviti izvorny kod]- Tutoj članok imaje prěvod iz članka «Instituto Cervantes» v Vikipediji na španskom (spis avtorov; dozvoljenje CC BY-SA 4.0).