Kapital v dvadeset-prvom stolětju
.jpg) | |
|---|---|
| Avtor | Thomas Piketty |
| Rok publikacije | 2013 |
| Jezyk originala | francuzsky |
| Tematika | Politična ekonomika, ekonomična neravnost, ekonomična historija, makroekonomika, socialna neravnost |
| ISBN | 978-0674430006 |
Kapital v Dvadeset Prvom Stolětju (originalna nazva na francuzskom: Le Capital au XXIe siècle) jest kniga, napisana francuzskym ekonomistom Tomasom Piketti (francuzskyː Thomas Piketty). Ona fokusuje se na neravnosti bogatstva i dohodov v Evropě i SŠA od početka 18-go stolětja. Prvo ona byla publikovana na francuzskom jezyku v avgustu 2013 roka. Kniga imaje prěvody na množstvo jezykov, vključno mnoge slovjanske jezyky (russky, poljsky, češsky, bulgarsky, slovenečsky).
Centralna teza knigy jest v tom, že kogda stavka vozvračenja na kapital (r) (angljskyː rate of return on capital (r)) jest vyše, než temp ekonomičnogo rasta (g) (anglijskyː rate of economic growth (g), rezultatom jest koncentracija bogatstva, i tuto neravno razpoděljenje bogatstva pričinjaje socialnu i ekonomičnu nestabilnost. Piketti prědlagaje globalnu sistemu progesivnoj taksacije (progresivnyh dankov), že by sniziti neravnost i izběgti koncentracije večinstva bogatstv pod kontroloju maljenkogo menšinstva.[1]
Sodržanje knigy
[praviti | praviti izvorny kod]Centralnoju tezoju knigy jest utvrdženje, že neravnost ne jest slučajnost, ale skorěje jest črta kapitalizma, i jej možno obratiti jedino črěz državno vměšanje. Kniga utvrdžaje, že dopoka kapitalizm ne jest reformovan, sama demokratija nahodi se pod grozoju.[2]
Piketti osnovyvaje svoj argument na formulě, ktora soodnosi stavku vozvračenja na kapital (r) s tempom ekonomičnogo rasta (g), kde r vključaje dohody, dividendy, procent po interesu, rentu i druge formy kapitala, togda kak g izměrjaje rast ekonomičnogo proizvodstva. On utvrdžaje, že kogda tempy ekonomičnogo rasta sut nizke, togda bogatstvo akumuluje se bystrěje od r (to jest od spekulativnyh investicij), neželi od realnogo truda i imaje tendenciju nagromadžati se srěd najvyše bogatyh 10% i 1% naseljenja, tym samym uveličivajuči neravnost. Tak, fundamentalnoju siloju za razhodženje v dohodah i uveličenje neravnosti možno označiti kak neravnost r > g. Piketti analizuje naslědstvo iz pogleda tojže formuly.
Kniga utvrdžaje, že vo světu byla tendencija do vysokoj neravnosti, ktora byla obračena nazad v lětah medžu 1930 i 1975 vslěd unikalnyh uslovijː dvě světove vojny, Velika Depresija, i recesija, napajana dolgovymi obvezkami, ktora izniščila mnogo bogatstva, osoblivo togo, ktorym vladěli elity.[3] Tute sobytja pobudili državy prědprijeti kroky v napravjenju prěrazpoděljenja dohodov, osoblivo poslě Vtoroj Světovoj vojny. Bystry, vsesvětny ekonomičny rast togo perioda počel snižati značnost naslědovanogo bogatstva v globalnoj ekonomikě.
Kniga takože utvrdžaje, že svět dnes povračaje se k "patrimonialnomu kapitalizmu", v ktorom večša čest ekonomiky dominuje se naslědovanym bogatstvomː sila tutogo ekonomičnogo klasa usiljaje se, grozeči stvorenjem oligarhije.[4]
Piketti proponuje, že progresivny kadžoročny vsesvětny danok na bogatstvo do 2%, vkupe s progresivnym dankom na dohod, dohodečim do 80%, mogut sniziti neravnost, ačekoli on i govori, že vvedenje takogo danka bude "'politično nemožlivym".[5]
Bez izměnjenja dankovoj sistemy, svět uvidi nizky ekonomičny rast i ekstremalna neravnost, suglasno prědviděnju Piketti. Jego dane pokazyvajut, že na proteženju dolgyh periodov časa, srědnja stavka vozvračenja na kapital značno prěvyšaje dohod, osnovany na produktivnom trudu.[3] On odvrgaje ideju, že izbuhy produktivnosti, osnovane na tehnologičnom progresu mogut pomagati, že by vratiti se do udržlivogo ekonomičnogo rasta, i ža nam ne slěduje očekyvati pojavjenja "vyše spravedlivogo i racionalnogo ustroja", bazovanogo na "kaprizah tehnologij", podčrkivajuči, že stavka vozvračenja na kapital bude rasti po měrě zaměny ljudij na tehnologije.[5]
Spis literatury
[praviti | praviti izvorny kod]- ↑ Piketty, Thomas (31 December 2014). "About Capital in the 21st Century" (PDF). American Economic Review. 105 (5): 48–53.
- ↑ Ryan Cooper (March 25, 2014). "Why everyone is talking about Thomas Piketty's Capital in the Twenty-First Century". The Week.
- 1 2 Steven Pearlstein (March 28, 2014). "'Capital in the Twenty-first Century' by Thomas Piketty". The Washington Post.
- ↑ Paul Krugman (March 23, 2014). "Wealth Over Work". The New York Times.
- 1 2 "Bigger Than Marx". The Economist. May 3, 2014.
Vněšnje linky
[praviti | praviti izvorny kod]- Tutoj članok imaje prěvod iz članka «Capital in the Twenty-First Century» v Vikipediji na anglijskom (spis avtorov; dozvoljenje CC BY-SA 4.0).