Kartvelske jezyky

Kartvelske ili južnokavkazske jezyky sut rodina avtohtonnyh jezykov južnogo Kavkaza, govorjenyh glavno v Gruziji, a takože v teritoriji Lazistana v Turciji, v Azerbajdžanu i v Iranu. Največšim i jedinym služebnym kartvelskym jezykom jest gruzinsky. Kromě njego, vse ostale jezyky toj rodiny sut zagrožene izumrtjem.^[1] Zajedno kartvelske jezyky imajut 4 do 5 milionov nositeljev.

Rodina kartvelskyh jezykov pravdopodobno ne jest genetično srodna s nijednoju drugoju jezyčnoju rodinoju, ale zajedno s sěverozapadno- i sěverovozhodnokavkazskymi jezykami tvori jezyčny svez pod nazvoju kavkazske jezyky.

Podrazděljenje

Niže prědstavjeny jest prěgled kartvelskyh jezykov, s dvubukvovym kodom ISO 639-1 i tribukvovym kodom ISO 639-3, a takože s približiteljnym čislom rodnyh govoriteljev danogo jezyka:

Kartvelske jezyky
- Južnokartvelska (karto-zanska) větva
  - Gruzinsky [ka, kat] (3,8 mln.)
  - Jevrejsko-gruzinsky [jge] (62,6 tys.)
  - Zanska (kolhidska) grupa
    - Megrelsky [xmf] (345 tys.)
    - Lazsky [lzz] (22 tys.)
- Sěvernokartvelska větva
  - Svansky [sva] (14 tys.)

Iztočnik

↑ Moseley, Christopher (red.). "Atlas of the World's Languages in Danger" (na anglijskom). str. 41. Data dostupa: 27 novembra 2025.

[1] Moseley, Christopher (red.). "Atlas of the World's Languages in Danger" (na anglijskom). str. 41. Data dostupa: 27 novembra 2025.

[1]