Zdravo!
Moje koristničsko ime IJzeren Jan znači: "Želězny Jan" – pod tutym imenem jesm aktivny na sěti od lět, v Vikipediji od 2004 goda. Ja ne jesm člověk, ktory ljubi razgovarjati o sobě, za to kažu toliko, že v istinnosti nazyvaju se Jan van Steenbergen, jesm urodil se 3 junija 1970 g. i živu v gradu IJmuiden (Niderlandy) i rabotaju kako priseženy tolmač i prěvoditelj. Moje glavne interesy sut: jezyky (osoblivo umětne jezyky), historija, Vozhodna Evropa (Poljska, Ukrajina), muzika i filmy.
Jesm jedin iz tvoriteljev medžuslovjanskogo jezyka i v prošedšesti jesm započel projekt slovianski-N. Kromě togo jesm iztvoril několiko inyh jezykov, medžu inymi wenedyk (kako by izgleděl poljsky, ako by byl romansky jezyk?) i vozgijsky (sěvernoslovjanskiy jezyk). Bolje o mně i mojih dělah možete čitati na mojem vebsajtu (prěvažno na anglijskom jezyku).
Ja takože jesm osnovitelj i administator tutoj viki. Zato, ako imajete k mně kake-koli pytanja ili komentary, prošu je ostaviti na mojej besědnoj stranici.
Srdečno,
Jan
