Laibach

LaibachЛајбах (лат. Laibach) je muzična grupa iz Slovenije, založena v 1980 g. v gradu Trbovlje v byvšej Jugoslaviji. Jejin stil obyčno kvalifikuje se kako "bojevo-industrialny". Od 1984 g. LaibachЛајбах je muzična větva umětničskogo kolektiva Neue Slowenische Kunst (NSK). Druge grupy, ktore naležet k tutomu kolektivu, sut medžu inymi grupa vizualnyh umětnostij IRWIN i teatralna grupa NOORDUNG. Nazva "LaibachЛајбах" odnosi se k davnoj němečskoj nazvy glavnogo grada Slovenije, Ljubljana.

Prve lěta

LaibachЛајбах byl založeny 1 junija 1980 g. v slovenečskom promyslnom gradu Trbovlje, kratko poslě smrti vodža Jugoslavije, maršala Josipa Broza Tito. Prvonačelni členi LaibachaЛајбаха byli Dejan Knez, Srečko Bajda, Andrej Lupinc, Tomaž Hostnik i Bine Žerko. V tečenju prvyh lět poslě svojego založenja LaibachЛајбах iměl seriozne problemy s jugoslavskymi vlastami. Doprva v 1982 g. udalo mu se organizovati koncerty v gradah Ljubljana, Zagreb i Bělgrad. V dekembru 1982 g. Tomaž Hostnik, glavny pěvec i ideolog LaibachaЛајбаха, sovršil samoubijvstvo. Pozdněje v grupu pristupili Milan Fras, novy pěvec, i Knezen netij Ivan (Jani) Novak.

Od početka LaibachЛајбах byl sporny zato, že identifikuje se s raznymi elementami nacionalsocializma i socialnogo realizma. Koncerty grupy sut istinne spektakly, često na vysokyh estradah pripominajučih děla Leni RiefenstahlЛени Рифенштал. Členi noset uniformy, na ktoryh črny križ Kazimira Maleviča zaměnjaje svastiku. Oni mnogokratno koristajut němečsku simboliku i pěvajut na němečskom. Vslěd togo, LaibachЛајбах poněkogda obvinjaje se za nacistične simpatije. Ale iz drugoj strany jihny stil, ktory nazyvajut totalitarny pop-art, je natoliko groteskovy, provokatorsky i prěuveličeny, že nikto ne znaje, kake ideje oni prědstavjajut v istinnosti. Sam LaibachЛајбах poddrživaje tutu dvuznačnost: «My jesmo fašisti nakoliko Hitler byl maljar.»

Vo vsakom slučaju LaibachЛајбах byla grupa disidentov, ktori protivili se komunističnomu ustroju. V 1983 g., podčas multimedialnogo koncerta v Zagrebu, jednočasno pokazyvali se na ekranu dva filmy: jedin propagandistsky i drugy pornografičny. Kogda maršal Tito pojavil se pored velikogo penisa, vojsko i policija prěrvali koncert, po čem grupa iměla izjehati iz Hrvatije. Poslě razgovoru na jugoslavskoj televiziji v tomže samom godu, nazva LaibachЛајбах byla zabranjena, a členam grupy uže ne bylo pozvoljeno izstupati, čto prinudžalo grupě prodolžiti svoju dějateljnost v drugyh državah: The Occupied Europe Tour '83. Prvy gramofonny zvukozapis LaibachaЛајбаха pojavila se v 1985 g., ale bez nazvy grupy na obložkě. V tomže samom godu pojavil se i vtory zvukozapis pod nazvoju Nova Akropola. V 1986 g. LaibachЛајбах učestvoval v velikom teatralnom spektaklu Krst pod Triglavom.

Poslě 1987 g.

Svastika sostavjena iz četyreh sěkyr, dělo němečskogo antifašističnogo umětnika John HeartfieldДжон Хартфилд, na obložkě Opus Dei

Medžunarodny prělom nastupil za LaibachЛајбах v godu 1987, poslě publikacije jihnogo tretjego albuma Opus Dei. Mnogo popularna byla prěd vsim jihna bojeva i krajno bombastična versija pop-pěsnje Life is Life avstrijskoj grupy Opus, a takože němečska versija tojže samoj pěsnje, Leben heisst Leben, i versija pěsnje One Vision Queen’a pod nazvoju Geburt einer Nation ("Narodženje naroda").

Poslě uspěha tutogo projekta LaibachЛајбах izdal ješče několiko albumov sodrživajučih prětvorjene děla drugyh: Let it be (1988; na osnově poslědnjego albuma The Beatles), Sympathy for the Devil (1989; na osnově pěsnje The Rolling Stones), NATO (1994; sodrživaje medžu drugymi děla Gustava Holsta, Europe i Status Quo), Jesus Christ Superstars (1996; sodrživaje medžu drugymi děla Andrew’a Lloyda WebberaЕндру’а Лојда Веббера, Volk (2006; narodne himny raznyh držav), LAIBACHKUNSTDERFUGE (2008, cělkovito osnovany na dělu Johanna Sebastiana BachaЈоханна Себастиана Баха), VolksWagner (2009, osnovany na operah Richarda WagneraРихарда Вагнера i The Sound of Music (2018, na osnově jednoimennogo mjuzikla). Někoje pěsnje iz togo poslědnjego albuma LaibachЛајбах izpolnil v 2015 g. v Sěvernoj Koreji, pri okaziji 70-ogo godišnice osvobodženja korejskogo poluostrova izpod japonskoj okupacije, na koncertu popolno ustrojenom suglasno konvencijam komunističnoj propagandy.

Jednočasno LaibachЛајбах takože izdaval gramafonne zvukozapisy i kompakt-disky s originalnymi tvorami, na priklad Kapital (1992), WAT (2003) i Spectre (2014). V 2012 g. LaibachЛајбах sdělal muziku za film Iron Sky Timo Vuorensoli’a. Kromě togo, LaibachЛајбах stvoril i originalnu teatralnu muziku, napr. Macbeth (1990) i Also Sprach Zarathustra (2017), a takože muziku za simfoničnu orkestr (Alamut, 2022). Interesno je to, že vsako dělo LaibachaЛајбаха je sovsim ino od poprědnjih, ale tym ne menje jihny unikalny stil vsegda je směsta razpoznavajemo. Iz toj pričiny muzika LaibachaЛајбаха, ktora uže od davna ne je izključiteljno industrialna, je težko klasifikovati.

V 2024 godu LaibachЛајбах byl nagradženy prezidentom Slovenije, Natašeju Pirc Musar, medalju za zaslugy.

Sklad

Sklad grupy LaibachЛајбах mnogokratno izměnil se od časa jejnogo založenja, a kromě togo, ona često surabotala s drugymi muzikantami. V godu 2024 grupa sostoji se slědujučih stalyh členov:

Milan Fras – vokalist
Ivan "Jani" Novak – světlo, projekcija, elektronika, poněkogda vokalist
Marina MårtenssonМортенссон – vokalistka, akustična gitara
Vitja Balžalorsky – gitara
Bojan Krhlanko – perkusija
Luka Jamnik – sintezator
Rok Lopatič – sintezator

Diskografija

Laibach (ŠKUC/Ropot, 1985)
Rekapitulacija 1980–1984 (Walter Ulbricht Schallfolien, 1985)
Neu Konservatiw (Cold Spring Record, 1985)
Nova akropola (Cherry Red, 1985)
The Occupied Europe Tour (Side Effects Rec., 1986)
Opus Dei (Mute Records, 1987)
Slovenska Akropola (Ropot, 1987)
Krst pod Triglavom-Baptism (Walter Ulbricht Schallfolien, 1987)
Let It Be (Mute Records, 1988)
Sympathy for the Devil (Mute Records, 1988)
Macbeth (Mute Records, 1990)
Kapital (Mute Records, 1992)
Ljubljana-Zagreb-Beograd (The Grey Area/Mute Records, 1993)
NATO (Mute Records, 1994)
Occupied Europe Nato Tour 1994-95 (Mute Records, 1996)
Jesus Christ Superstars (The Grey Area/Mute Records, 1996)
MB December 1984 (Mute Records, 1997)
The John Peel Sessions (Strange Fruit Records, 2002)
WAT (Mute Records, 2003)
Anthems (Mute Records, 2004)
Volk (Mute Records, 2006)
Laibachkunstderfuge (Mute Records/Dallas, 2008)
Gesamtkunstwerk – Dokument 81-86 (Vinyl-on-demand, 2011)
Monumental Retro-Avant-Garde (Live At Tate Modern / 14 April 2012) (Abbey Road Live Here Now, 2012)
An Introduction to… Laibach / Reproduction Prohibited (Mute, 2012)
Iron Sky (The Original Film Soundtrack) (Mute, 2012)
Spectre (Mute Artists Limited, 2014)
I VIII 1944 Warszawa (EP, 2014)
Also Sprach Zarathustra (Mute Records, 2017)
The Sound Of Music (Mute Records, 2018)
Party Songs (Mute Records, 2019)
Laibach Revisited (DZR, 2020)
WIR SIND DAS VOLK - Ein Musical aus Deutschland (Muter Artists Ltd., 2022)
Alamut (2022)
Love is still alive (2023)
Sketches of the Red Districts (GOD records, 2023)
Laibach 40 (BOX, 2025)
Musick (Mute, 2026)

Galerija

Plakat iz 1983 g.
Plakat iz 1986 g.
Emblema NSK-državy

Koncert v 2007 g.
Koncert v 2022 g.

Vněšnje linky