Logopandecteision

Logopandecteision je kniga iz 1653 goda, koju je napisal Sir Thomas UrquhartСер Томас Уркхарт, i v njej on izlagaje svoje plany za stvorjen‌je umětnogo jezyka pod tym imenom.

Kniga je napisana v podobnom stilu kako obširne, složene taksonomične struktury drugyh filozofičnyh jezykov, a takože kako barokne gramatiky pozdnějših projektov, napriměr Volapüka. UrquhartУркхарт oběčaje dvanadset čestij rěči, jedinnadset padežev, četyri čisl i jedinnadset rodov (vključajuči boga, bogynju, muža, ženu, životno i t.d.), a glagoly imajut jedinnadset vrěmen, sedm kon‌jugacij i četyri zalogy. On tvrdil, že jezyk mogl by byti upotrěbjeny pri prěvodžen‌ju stihov iz vsakogo narodnogo jezyka, navodeči italijansky, francuzsky, špansky, slovjansky, niderlandsky, irlandsky i anglijsky jezyky kako konkretne priklady. UrquhartУркхарт posvečaje někoje razděly svojej knigy polemikam protiv vragam, koji mu unemožnili publikaciju svojih lingvističnyh tvorov, osoblivo svojim věriteljam i Škotskoj crkvi.

Sodržan‌je i cělj

Kniga sostoji iz raznyh razdělov, osoblivo vključajuči spis "66 neprěvozojdenyh sovršenstv" jezyka; rešta sostoji iz polemik protiv UrquhartУркхартovym věřiteljam, Škotskoj crkvi i drugym, kojih on obvinjaje za to, že nebrěžnostju i podlymi činami unemožnili mu publikaciju jegovogo "sovršenogo jezyka". Tamo, kde kniga odnosi se k planu Logopandecteision’a, ona pripominaje jegovo ranějše dělo Eskybalauron.

Bylo tvrdženo, že cělo dělo je bylo zamyšljeno kako někaky složeny žart ili prank. Pod alternativnym pravopisom Logopandecteision poněkogda sut pokazyvane fragmenty, ktore činjajut vid, že UrquhartУркхарт je seriozno pristupil k stvorjen‌ju umětnogo jezyka.

Jezyk

Jezyk

Logopandecteision

Obča informacija
Stvoritelj	Thomas Urquhart
Data stvorjenja	1653

Gramatika jezyka, opisana v tekstu, pripominaje obširne, složene taksonomične struktury drugyh filozofičnyh jezykov, a takože barokove gramatiky pozdnějših jezykoprojektov kako Volapük. UrquhartУркхарт prědpokladaje dvanadset čestij rěči. Imenniky deklinujut se po jedinnadseti padežam, četyrem čislam i jedinnadseti rodam (vključajuči boga, bogynju, muža, ženu, životno i t.d.). Glagoly spregajut se po jedinnadseti vrěmenam, sedmi kon‌jugacijam i četyrem zalogam.

Prědpokladajut se mnogočislne nemožne svojstva, na priměr, že vsekako čislo vsekakoj veličiny može v tom jezyku byti izraženo jednym slovom, tako kratkym, že čislo s večšeju kolikostju cifr než «mogut byti pěsočne zrna od srědišča zemje do najvysših nebes» bylo by izrazimo samo dvoma literami. V jednom městu UrquhartУркхарт oběčaje: «Nemaje tu jezyka na světu, aby za vsako jego slovo on vam ne dal drugo slovo s tymže samym značen‌jem, s ravnymi slogami, i načinajuče ili končajuče s samoglaskami ili suglaskami, kak ono to čini». A takože, že «pri prěvodžen‌ju stihov iz vsakogo narodnogo jezyka, kako na priměr italijansky, francuzsky, špansky, slovjansky, niderlandsky, irlandsky, anglijsky ili kaky-nebud drugy jezyk, on vam davaje tože samo značen‌je, slog za slogom, a na koncu vsakogo verša taky rim kako v originalu.» Srěd drugyh kurioznyh prědpoloženij je tvrdžen‌je, že na tutoj jezyk možno je prěvesti vsekaku frazeologiju iz kakogokoli drugogo jezyka, bez nijednoj alteracije doslovnogo smysla, ale tym ne menje v polnosti prědstavjajuči prvopočetny zamysl.

Literatura

• Clark, W.J. (1912). International Language: Past, Present & Future. London: J. M. Dent & Sons. str. 87–92. Bylo arhivovano iz iztočnika 5 maja 2006.
• Urquhart, Thomas (1653). Logopandecteision. Giles Calvert; Richard Tomlins – via University of Chicago.
• Urquhart, Thomas (1834). The works of Sir Thomas Urquhart: Logopandecteision. H. and J. Pillans – via Archive.org.
• Corbett, John B. (2004). "Lecture on Scottish Literature 2". University of Glasgow. Bylo arhivovano iz iztočnika 12 avgusta 2011.
• Corbett, John B. (2004), Prose Urquhart, University of Glasgow, bylo arhivovano iz iztočnika 17 mareca 2013

Izvor

• Tutoj članok imaje prěvod iz članka «Logopandecteision» v Vikipediji na anglijskom (spis avtorov; dozvoljen‌je CC BY-SA 4.0).