Majonez

Majonez (iz fr.: mayonnaise) je spotrěbiteljny produkt – hladny, gusty sos, ktory je osoblivy vid emulsije, dobytoj posrědstvom razbivan‌ja jaječnyh žoltkov s postupnym dodavan‌jem rastlinnogo oleja, octa ili limonnogo soka i solji. Majonez je osnovny sos v hladnoj kuhnji. K majonezu možno je dodati različne druge produkty, na priklad gorčicu, hrěn ili peprec. V takom slučaju konečny produkt takože nazyvaje se majonezom, ale s utočnjen‌jem specifičnogo imene.

Istinny majonez sodrživaje minimalno 65% rastlinnogo oleja i jajca. Ako produkt sodrživaje menje neželi 65% oleja, nazyvaje se majoneznym sosom. Take produkty s sniženoju kolikostju tuka služet kako dresing do salat. Majonezy, ktore dnes prodavajut se v magazinah, prěvažno sodrživajut rastlinny olej, modifikovany skrob, emulgatory i konservanty.

Prvopočetno majonez byl osoblivo znany kako harakterističny element francuzskoj kuhnje, odkud razprostranil se skoro po vsih razvinutyh narodah světa. Dnešnjego dnja majonez upotrěbjaje se največe v sendvičah, do pečenogo mesa, do pomfritok i pri prigotovjen‌ju različnyh salat, na priklad kartofeljnoj salaty ili russkoj salaty, a rědže za kuhan‌je.

Jajca s majonezom
Japonsky majonez
Ingredienty majoneza

Majonez
v Vikiskladu