Mass Effect

Mass Effect

Žanry	Strěljanka od tretjego lica, Action RPG
Razrabotniki	BioWare
Izdatelji	Microsoft Studios, Electronic Arts
Platformy	PlayStation 3, PlayStation 4, Xbox 360, Xbox One, Windows, iOS, Android, Wii U
Igrove motory	Unreal Engine, Frostbite Engine
Prva igra	Mass Effect
Oficialny sajt	mass-effect

Mass Effect — jest naučno-fantastična medija-serija, ktoru sut stvorili Kejsi Hadson (ang.: Casey Hudson) i Drju Karpišin (ang.: Drew Karpyshyn). V njej ide historija o dalekoj budučnosti, v ktoroj ljudi i inoplanetjani kolonizovali Mlěčny put s pomočju tehnologij najdavnih civilizacij.

Medija-serija sodrživaje seriju igr, ktore stvorila kompanija BioWare i ktore izdali Microsoft Studios i Electronic Arts. V prvyh treh igrah (Mass Effect 1, Mass Effect 2 i Mass Effect 3) ide reč o boju komandira Šeparda i jegovogo odreda protiv Žnecov, ktori hčut izniščiti vsaku živnost v galaktikě. V Mass Effect: Andromeda dějanja idut poslě 600 let od Mass Effect 3 i izlagajut o kolonistah, ktori kolonizujut galaktiku Andromedy.

Osnovne igry serije sut strěljanky od tretjego lica s elementami roljevoj igry. Igrač može izbirati različne varianty za odgovor v dialogah, ktore imajut vliv na dějanja. Misije igrač hodi so svojim odredom, s nektorymi iz ktoryh možno dělati romany.

Igry

Leto	Nazva	Tvoritelj	Platformy
Osnovna serija
2007	Mass Effect	BioWare	Xbox 360	PlayStation 3	Windows
2010	Mass Effect 2
2012	Mass Effect 3					Wii U
2017	Mass Effect: Andromeda		Xbox One	PlayStation 4
Kolekcije
2012	Mass Effect Trilogy	BioWare	Xbox 360	PlayStation 3	Windows
2021	Mass Effect: Legendary Edition		Xbox One	PlayStation 4
Mobilne igry
2009	Mass Effect Galaxy	BioWare	iOS
2012	Mass Effect Infiltrator	IronMonkey Studios		Android	Windows Phone	BlackBerry 10

Aplikacije-programy

Leto	Nazva	Tvoritelj	Platformy
2012	Mass Effect Datapad	BioWare	iOS	Android
2017	Mass Effect: Andromeda APEX HQ

Mass Effect Datapad

Mass Effect Datapad jest programa za mobilne aparaty, ktora dozvoljaje igračam gledati jihni status karty galaktiky v Mass Effect 3 i dobyvati poslanja-soobčenja od vnutriigrovyh person. Datapad sodrži informaciju o personah, rasah, tehnikě, oružje i linije historiji světa Mass Effect. Mass Effect Datapad je byl oddaljen iz iOS AppStore i Google Play Store 5 Junja 2013-go leta.

Mass Effect: Andromeda APEX HQ

Mass Effect: Andromeda APEX HQ jest oficialna programa za mnogoigračnu-setevomreževu igru v Mass Effect: Andromeda. S pomočju Mass Effect: Andromeda APEX HQ igrači sut mogli uzrěti jihni progres v igrě, upravjati vnutriigrovymi personami i imati dostup do jihnih spiskov prijateljev.

Igrovy svět / Seting

Dejanja v osnovnoj igrovoj trilogije (Mass Effect 1, Mass Effect 2 i Mass Effect 3) idut v Mlěčnom putu vo koncu 22-go stoletja. V 2148 letu ljudi sut našli na Marsu post-stanciju nekakoj inozemnoj civilizacije i dobyli tehnologiju prěmeščenja brzeje neželi světlo i nazvali jego kako "Efekt Masy" (ang.: Mass Effect). V 2149 letu ljudska naučna grupa primetila, že Haron, ktory ranje myslil se kako sputnik-satelit Plutona, jest inozemny mas-retranslator. I, blagodarja informacije iz inoplanetnyh tehnologij na Marsu, ljudi sut smogli aktivirovati retranslator Haron za putovanje za granice Solnečnoj sistemy.

Mas-retranslatory sut inoplanetna tehnologija, ktora stvorjaje v kosmosu "koridory" v ktoryh masa/težina različnyh těl delaje se nulevoju. Mlěčny put sodrži v sobe velmi mnogo retranslatorov, mnogi iz ktoryh ne sut aktivirovane.

Galaktika Mlěčny put jest polna množinoju inoplanetnyh civilizacij. Jedna iz najvelikyh organizacij i političnyh struktur jest Sovět Citadely, ktory bazuje se na velikoj kosmičnoj stancije Citadel. Na Citadeli živut množstva inoplanetnyh lic, a takože lica vlad velikyh civilizacij. Sovět Citadely organizujut celo tri civilizacije: azari, salarianci i turianci.

Jednako, raz v 50 000 let nektora civilizacija Žnecov požinaje vsaku razumnu živnost v galaktikě. Ale oni ne izničtožajut malorazumni i malocivilizovani civilizacije.