Prějdti k sodržanju

Mass Effect (igra)

Izvor: Vikipedija
Mass Effect
Žanraction role-playing
RazrabotnikiBioWare
IzdavateljMicrosoft Game Studios, Electronic Arts
Čest serijeMass Effect
Data izdanja
Xbox 360
Severna Amerika:
  • 20 novembra 2007
Avstralija:
  • 22 novembra 2007
Evropejsky sojuz:
  • 23 novembra 2007
Windows
Severna Amerika:
  • 28 maja 2008
Avstralija:
  • 5 junija 2008
Evropejsky sojuz:
  • 6 junija 2008
PlayStation 3
Severna Amerika:
  • 4 dekembra 2012
Evropejsky sojuz:
  • 7 dekembra 2012
Tvoritelji
GlavaKejsi Hadson[1]
GejmdizajnerPreston Watamaniujуk[2]
ProgramistDavid Falkner[2][3]
HudožnikiDerek Watts[2][4]
KompozitoriDžek Vol,[2][5] Sam Hulik,[2][5] Rišar Žak,[2][5] David KatesКеjтс[2][5]
Tehnične dane
PlatformyXbox 360, Microsoft Windows, PlayStation 3
Igrovy motorUnreal Engine 3[6][7]
Režim igryjedin igrač
Jezyky interfejsaanglijsky, francuzsky, němečsky, špansky, italijansky, russky, poljsky

Mass Effect (medžusl.: Efekt masy) — kompjuterna igra v žanru action-role-play, ktoru stvorila studija BioWare i izdala Microsoft Game Studios v lětu 2007.[8] Je prvoju čestju serije Mass Effect.

V 2007 leto igra prišla jedino toliko na Xbox 360.[9] V 2008 javila se versija igry na Windows,[10] v 2012 prišla versija na PlayStation 3.[11][12][13][14]

Sjužet igry govori o tom, že v 22-om stoletju člověčstvo spoznalo i naučilo se rabotati s tehnologijeju svrhsvětlovyh lětanij v kosmosu s pomočju nekakogo nulovogo elementa, ktory obnuloval masu-težinu (toj moment vpisan je v nazvanje igry). A takože v to stolětje ljudi zakontaktovali se s inoplanetnymi civilizacijami.[15]

Glavny heroj ili herojinja (to izbiraje igrač) igry komander Šepard dobyvaje status Spektra — specialnogo soldata na služenju galaktičnoj rady-sověta Citadely, i so svojim odredom pošeti različne mesta i zvezdne sistemy galaktiky.

V 2008 lětu za igru izdali dodatny kontent pod nazvoju Bring Down the Sky,[16] v ktorom potrebno bylo spasati planetu Tera Nova od asteroida X57 i teroristov.[17]

V 2009 lětu za igru izdali dodatny kontent pod nazvoju Pinnacle Station, ktory dodaval nekoliko zadanij, a takože možnost dobyti v nagradu apartamenty.[18][19][20][21]

Dalje byli izdane igry Mass Effect 2 v 2010 lětu i Mass Effect 3 v 2012,[22] ktore stvorili trilogiju o komanderu Šepardu.

V 2021 leto igra byla obnovjena v svezku izdanja Mass Effect: Legendary Edition.[23]

Gejmplej

[praviti | praviti izvorny kod]

Mass Effect  — je igra v žanru action-rpg za jednogo igrača, v ktoroj igrač upravjaje komanderom Šepardom (ang.: Commander Shepard) s pogledom od tretjego lica.

Pred početkom igry potrebno izbrati ime igrača (ktoro na igrovy svet ne vlijaje), pol, izgled, jedin iz nekoliko variantov predhistorije, igrovy klas-specialnost. [24] Za izbor dostupne sut 6 klasov. Každy klas imaje svoju specialnost v oružju i sposobnostah.[25] Igrač i učestniki odreda mogut orudovati vsakym oružjem, ale efektivnost togo zavisi od klasa i parametrov každogo.[25]

Na kosmičnom korabu igrača dostupna je karta galaktiky, s pomočju ktoroj igrač može premeščati se po svetu. V galaktikě sut grupy-skupiny zvezd, v ktoryh sut zvezdne sistemy, v ktoryh už sut planety i kosmične stancije. Za premeščenije medžu grupami zvezd potrebno upotrebjati retranslatory masy (ang.: Mass-Relay).[26]

Kosmičny korab igrača imaje nazvu "Normandija" (ang.: Normandy SR-1) — to je esperimentalny korab, ktory stvorili naučniki Aliansa sistem (ang.: Systems Alliance) v koperacije s turianskymi (ang.: turians) specialistami. Toj korab upotrebjaje se igračem za putovanje medžu planetami i zvezdami s pomočju interaktivnoj karty.

Na korabu irač može govoriti s ljudami-služebnikami koraba (medikami, inženjerami) i učestnikami svojego odreda.

Na planetah i stancijah igrač izpolnjaje zadanja-operacije, kvesty i vzajemodejstvuje s NPC.[27]

Po završenju-koncu zadanij igrač dobyvaje specialne pointy, ktore dozvoljajut razvivati sposobnosti, dobyvaje predmety za inventar. Inventar imaje razmer v 150 elementov-predmetov. Nepotrebne predmety možno prodati, utilizirovati v omni-gel, ktory je potreben za otkrytje zamkov i remonta vsekdehoda "Mako".[28]

Vsekdehod "Mako" možno upotrebjati na planetah za preměščenje na velike distancije i strěljbu po neprijateljam. Takože vsekdehod je pomočen na nektoryh zlyh planetah, na ktoryh okolična pogoda jest škodliva dlja odreda.[29]

A na kosmičnyh stancijah i planetah možno kupiti različne predmety kako oružje, bronju i dodatne ulepšenja.

Bojeva sistema

[praviti | praviti izvorny kod]

Boji idut v realnom času. Igrač upravjaje Šepardom od tretjego lica. V odredu igrača takože je jedino dva personaža, ktorymi upravjaje kompjuter i ktorym može davati komandy igrač, naprimer: atakovati neprijatelja, zajeti ukrytje i tako dalje.[30]

V čas boja igrač može otkryti taktično menju, ktoro stopuje igru i v ktorom možno smeniti oružje, ukazati koju sposobnost upotrebiti (kako Šepardu tako i učestnikam odreda). Každa sposobnost imaje svoju meru-vreme za obnovjene posle každogo upotrebjenja.[30]

Oružje igrača ne trebuje naboja, jednako dost silna streljba može pregreti oružje i nektoro vreme nemožno bude streljati. To trebuje delati pauzu medžu streljanjem.

V igrě sut 4 tipov oružja: pistolety, pompovky, vintovky, snajperske ružja i granaty.[31]

Bronja takože različna: legka, sredna, težka. Vsaka bronja imaje različne specializacije i sposobnosti. Takože može byti ograničenje v zavisnosti od klasa igrača ili učestnika odreda. Takože je razlika medžu civilizacijami: ljudi i azari (ang.: asari) mogut nositi jednu bronju, turianci imajut svoju bronju, krogani (ang.: krogans) svoju.[32]

Akoli gibnut učestniki odreda, to ih možno lečiti s pomočju medi-gela, akoli gibne igrač, to treba restartovati igru od poslednego shranjenja.

Dialogova sistema

[praviti | praviti izvorny kod]

Igrač izbiraje varianty za odgovor s pomočju dialogovogo kolesa (ang.: dialogue wheel).[27] Obyčajno, ale ne vsegda, v pravoj vrhnoj straně sut rečenja heroja-paragona, a v pravoj nižnej-dolnoj straně sut rečenja odstupnika-renegata. Rečenja heroja sut sinjego cveta-kolora, a odstupnika-renegata črvenogo. V levoj straně kolesa sut varianty rečenja, ktore mogut zapytati nekojego NPC o predmetě govorenja.

Herojske-paragonske rečenja dodajut igraču pointy heroja, a odstupničske-renegatske dajut pointy renegata. Te pointy dajut nove varianty dejanij v različne momenty igry. Te varianty mogut dati dodatnu informaciju, izbegti boja, spasti nekojego.[33]

Sjužet

[praviti | praviti izvorny kod]

Igrovy svet

[praviti | praviti izvorny kod]

Dejanje tutoj igry ide v Mlěčnom putu v 22 stoletju. Človečstvo spoznalo letanja v kosmosu s pomočju nulevogo elementa i mas-retranslatorov (ang.: mass relays). Retranslatory směnšajut masu-težinu korabov do nula i s pomočju togo koraby kako by teleportujut se[15].

Krome človečstva v galaktikě sut množstva drugyh inoplanetnyh civilizacij, nektora čest kojih stvorila specialny Sovět na kosmičnoj stanciji Citadel. Osnovne civilizacije sut azari (ang.: asari), turianci (ang.: turians) i salarianci (ang.: salarians)[34]. Nektore civilizacije sut prědstavjene na Citadelě s pomočju ambasad: volusi (ang.: voluses), hanari (ang.: hanars), elkori (ang.: elcors), a takože ljudi[35]. Takože sut nektore civilizacije, ktore živut vne Citadelskogo prostora: krogani (ang.: krogans), batarianci (ang.: batarians), kvarianci (ang.: quarians). Vse životne civilizacije v igrě imajut nazvu organične, a robotove civilizacije, kako gety (ang.: geths) i Žnecy (ang.: Reapers) sintetične.

Člověčstvo prvy raz strětilo se s inymi civilizacijami (turiancami) v 2149 lětu i ta strěča počela se kako vojna, ktora skoro završila se. Ljudi izšli v novy sektor kosmosa s pomočju retranslatora, ale zakon Citadele ne dozvoljaje aktivirovati nerazvedane retranslatory; zamesto govorenja turianci izničtožili prve koraby ljudij i to dejanje stalo pričinoju vojny.[36]

Potom človečstvo dobylo svoje město v galaktičnom sociumu posle nektoryh drugyh dejanij[36]. Na moment početka igry komander Šepard potreben byl stati prvym človekom Spektrom. Spektri sut specialni ljudi, u kojih administracija je Sovět Citadele[37].

Personaži

[praviti | praviti izvorny kod]

Šepard

[praviti | praviti izvorny kod]

Glavny personaž igry je komander Šepard (ang.: Shepard). V zavisnosti od igrača Šepard može byti žena ili muž. Standardno mužsko ime je Džon (ang.: John), a žensko Džejn (ang.: Jane). Prědhistorija Šeparda takože izbiraje se igračem:

Varianty biografije Šeparda[24]
Do armije
Kolonist (ang.: colonist) Dětinstvo Šeparda bylo na kolonije Mindoir. Koloniju atakovali sut piraty-rabotrgovci i ubili jegovyh roditeljev. Šeparda vzeli k sobe dozorny patrol Aliansa. Kogda Šepardu stalo 18 let, on pošel v armiju Aliansa.
Rodženi na Zemji (ang.: Earthborn) Šepard byl sirota i jegovo dětinstvo prošlo v uličnyh bandah. Kogda Šepardu stalo 18 let, on pošel v armiju.
Kosmičnik (ang.: Spacer) Roditelji Šeparda sut vojskovi ljudi. Vse dětinstvo Šepard byl na kosmičnyh korabah. Potom zapisal se v armiju Aliansa.
V čas služenja v armije
Heroj vojny (ang.: War Hero) V čas služenja na člověčskoj koloniji Elizium (ang.: Elysium) bojeval protiv piratov, kojih bylo mnogo, odbivši ataku.
Izživši (ang.: Sole Survivor) Na planetě Akuza (ang.: Akuze) odred Šeparda byl atakovan velikym inoplanetnym životnym i byl cělo izničtoženy. Ostal jedino Šepard.
Ljuty (ang.: Ruthless) Na planetě Torfan (ang.: Torfan) Šepard izgubil 3/4 svojego odreda, ale izpolnil zadanje, a takože izničil vsih neprijatelskyh piratov-batariancev.

Mužsky glas Šeparda dal aktor Mark Meer[38].

Žensky glas Šeparda dala aktrisa Jennifer Hale[38].

Ekipa Normandije

[praviti | praviti izvorny kod]
Džef Džoker Moro
[praviti | praviti izvorny kod]

Džef Džoker Moro (ang.: Jeff Joker Moreau) — je profesionalny pilot Normandije. Imaje veliku problemu s kostami, one sut slabe.

Glas jemu dal aktor Seth Benjamin Gesshel Green[39][38].

Devid Edvard Anderson
[praviti | praviti izvorny kod]

Devid Edvard Anderson (ang.: David Edward Anderson) — heroj Vojny Prvogo Kontakta i kapitan Normandije. On je prvy, kto završil specialnu programu N7 na stancije Arktur.

Glas jemu dal aktor Keith David Williams.

Greg Adams
[praviti | praviti izvorny kod]

Greg Adams (ang.: Greg Adams) — je glavny inženjer Normandije. On rabotaje v inženjernoj sekciji koraba.

Glas jemu dal aktor Roger Labon Jackson[40][38].

Karin Čakvas
[praviti | praviti izvorny kod]

Karin Čakvas (ang.: Karin Chakwas) — je glavna doktorka Normandije.

Glas jej dala aktrisa Carolyn Seymour[41][38].

Osnovne učestniki odreda

[praviti | praviti izvorny kod]
Ričard Dženkins
[praviti | praviti izvorny kod]

Ričard Dženkins (ang.: Richard L. Jenkins) — soldat Aliansa. Imaje klas i sposobnosti soldata. Jegovo ime i historija v igrě imaje svez s mem-personažem Lirojem Dženkinsom.

Glas jemu dal aktor George Joshua Christian Dean[42][38].

Kajdan Alenko
[praviti | praviti izvorny kod]

Kajdan Alenko (ang.: Kaidan Alenko) — lejtenant-poručnik, a takože biotik. Kako igrovy personaž imaje sposobnosti-specializaciju biotika. On je vozmožny romantičsky interes Šeparda-ženy.

Glas jemu dal aktor Raphael Sbarge[43][38].

Ešli Viljams
[praviti | praviti izvorny kod]

Ešli Viljams (ang.: Ashley Medelin Williams) — kosmična pěhotnica Aliansa. Igrač strěčaje ju v prvoj misiji igry. Ona je možnym romantičskym interesom Šeparda-muža.

Glas jej dala aktrisa Kimberly Brooks[38].

Urdnot Reks
[praviti | praviti izvorny kod]

Urdnot Reks (ang.: Urdnot Wrex) — krogan-biotik. Šepard strěčaje jego na Citadeli. Reks imaje praktično obče celji s Šepardom i ide pomogati jemu.

Glas jemu dal aktor Steven Barr[38].

Liara T'Soni
[praviti | praviti izvorny kod]

Liara T'Soni (ang.: Liara T’Soni) — je azarijska naučnica, a takože biotička, koja zajmaje se ksenoarheologijeju. Šepard strěčaje ju v jednoj iz misij igry, po ktoroj ona ide pomogati jemu. Ona je možnym romantičskym interesom za Šepardov obohdvoh polov.

Glas jej dala aktrisa Ali Hillis[38].

Garus Vakarian
[praviti | praviti izvorny kod]

Garus Vakarian (ang.: Garrus Vakarian) — je turianec, ktori rabotaje v službe bezpečnosti Citadele. Posle něktoryh činov od strany administracije služby bezpečnosti Citadele on odhodi odovud i prisjedinjaje se k odredu Šeparda, daby pomogti jemu.

Glas jemu dal aktor Brandon James Keener[38].

Tali Zora
[praviti | praviti izvorny kod]

Tali Zora (ang.: Tali'Zorah) — je kvarianka-tehnička, ktora byla atakovana v čas svojego putovanja něktorymi osobami. Ona imaje něktore silne dokazy o dělah, ktore sut svezany s cěljem raboty Šeparda.

Glas jej dala aktrisa Ash Sroka[38].

Antagonisti

[praviti | praviti izvorny kod]
Saren Arterius
[praviti | praviti izvorny kod]

Saren Arterius (ang.: Saren Arterius) — je turianec-Spektr, ktory skooperiroval se s getami zaradi někakyh svojih cěljev i jest jedin iz glavnyh antagonistov igry.

Glas jemu dal aktor Fred Tatasciore[38].

Historija

[praviti | praviti izvorny kod]

Čas igry ide od 2183 leta. Komander Šepard služi na kosmičnom korabu Normandija kako pomočnik kapitana Andersona. Šepard dobyvaje možnost stati prvym človekom-Spektrom i povinen izpolniti polet zajedno s turiancem-spektrom Najlusom Krajkom (ang.: Nihlus Kryik). Glavno zadanje misije je dostati artefakt starodavnjej civilizacije protean na planetě Iden Prajm. Vo vreme misije Iden Prajm atakovan je getami pod glavoju turianca-spektra Sarena Arteriusa, ktory takože hče vzeti artefakt. Kogda Saren dobyvaje potrebnu informaciju, on daje komandu getam postaviti bomby, ktore potom Šepard izključaje. V čas kontaktovanja s artefaktom protean Šepardu javjaje se nekako apokaliptično videnje.[44]

Potom Normandija letaje na Citadel daby dokazati, že Iden Prajm atakoval je Saren. Ale Sovet Citadely ne veruje Šepardu. Ambasador-posol človečstva Donel Udina (ang.: Donnel Udina) daje Šepardu tajnu misiju daby rešiti situacij i napravjaje Šeparda do turianca Garusa Vakariana, koj rabotaje v službě bezopasnosti Citadely i takože čini svoje delo protiv Sarena. V procesu razsledovanja Šepard strečaje krogana Urdnota Reksa, ktory takože suglašaje se pomogti komanderu. Sobrane dane napravili do nekojego Fista (ang.: Fist), vlastnika bara "Brlog okrajiny" (ang.: Chora’s Den), ktory drži kako založnicu kvarianku, koja imaje cenny fajl, ktory dokazuje zločinstva Sarena. Fist htel prodati kvarianku nekojemu agentu, ale Saren podkupil jego daby vzeti kvarianku sobe. Šepard rešaje konflikt s Fistom i spasivši kvarianku daje dokazy Sovetu Citadely o Sarenu. Šepard stanovi se prvym človekom-spektrom i dobyvaje zadanje dostati Sarena.[44]

Kapitan Anderson odhodi od čina glavy koraba i daje to mesto komanderu Šepardu. K odredu Šeparda sjedinjajut se Garus Vakarian, Urdnot Reks i spasena kvarianka Tali Zora. Šepard može letati kuda hoče i izpolnjati različne misije.[44]

Delaje se znanym, že Saren išče nekaky retranslator Vod (ang.: Conduit) zaradi nepoznatyh celjev i potrebno najdti toj retranslator predže Sarena. Dlja iskanja retranslatora treba najdti azarijsku naučnicu Liaru T'Soni, ktora delaje nekake arheologične kopanja v Tau Artemidy na planetě Terum. Šepard javjaje se na planetu Terum, izničtožaje getov i osvobodžaje Liaru iz pasty proteanskoj ohraničnoj sistemy. Liara izlagaje teoriju o tom, že každe 50 000 let civilizacija mašin-robotov, ktoryh imenujut kako Žnecy, izničtožaje vsaky razumny život v galaktikě. Takože Žnecy izničtožili protean. Liara sjedinjaje se k odredu Šeparda.[44]

V jedin moment Šepard spoznaje, že kolonija Nadeja Čžu (ang.: Zhu's Hope) atakovana je getami i Sarenom. Šepard s pomočju nektoryh mestnyh kolonistov odbivaje ataku getov. Jednako vračajuči se nazad Šepard atakovani je kolonistami, kojih vzela pod kontrol nekaja razumna rastlina, ktoru potrebno izničtožiti.[44]

Potom Šepard ide na planetu Noverija daby srazumeti čto tam hčut najdti gety. Odred Šeparda poznaje, že tam takože je matriarh Benezija (ang.: Matriarch Benezia). V čas hodženja do struktur, v kojih je Benezija, Šepard strečaje insektoidov rahni (ang.: rachni). Šepard ide v boj protiv Benezije i dobivaje ju, ale spoznaje, že matriarh bojevala protiv svojej voli. Takože Šepard strečaje kraljevu rahni, ktora izlagaje, že jejini dete byli omutnjeni i od togo obezumeli. Šepard može kako ubiti kraljevu rahni tako i dati jej svobodu.[44]

Sovet Citadely dobyvaje od svojih salarianskyh agentov informaciju o tom, že Saren imaje bazu na planetě Vermajr (ang.: Virmire), ale agenti byli atakovani getami. Kogda Šepard javjaje se na Vermajr, to vidi, že Saren stvorjaje lek-sredstvo daby izlečiti bezplodije kroganov zaradi stvojenja svojej armije. Potrebno izničtožiti lek, ale Reks ide protiv. Šepard može kako uveriti Reksa v svojej pravosti, tako može ubiti jego v moment konflikta; ili že Reks može byti ubit nektorym učestnikom odreda. Šepard pomogaje agentam-salariancam i atakuje bazu Sarena. Vnutri bazy Šepard strečaje hologramu žneca Suverena (ang.: Sovereign). Suveren izlagaje o civilizacije Žnecov i o tom kako oni žnut razumne civilizacije. Saren govori, že jegove souzniki budut živi, akoli budut pomogti jemu. Potom delaje se boj, v konec ktorogo Saren odhodi. Ale Ešli ili Kajden padajut v zlu situaciju i nekto iz njih može byti spasen toliko jedino jestli drugy požrtvuje soboju daby aktivirovati bombu. Šepard izbiraje kogo spasti pred izničtoženjem bazy za bomby.[44]

Kogda Šepard vračaje se na Citadel, Udina blokuje Normandiju na stancije, mysljuči, že dejanja Šeparda mogut vyzvati napad neprijateljev na Citadel. Kapitan Anderson pomogaje Šepardu i deblokiruje Normandiju.[44]

Liara spoznaje mesto planety Ilos, na ktoroj je retranslator Vod. Šepard pribyvaje na planetu i strečaje tam virtualny intelekt s imenem Straž (ang.: Vigil), ktory izjasnjaje kto sut Žnecy i kako oni upotrebjajut Citadel kako glavny retranslator za priletanje iz temnogo kosmosa zaradi žetvy. Takože Straž govori o tom, kako proteani skonstruovali svoj maly retranslator na Citadel, poleteli na nju i izlomali sistemy Citadeli daby ona ne mogla kontaktovati se so Žnecami i napravjati ih v Mlečny put. Jednako Saren hoče remontovati stanciju i upotrebjaje retranslator Vod i leti na Citadel. Straž daje dane, ktore potrebno dodati v sistemy Citadely, daby Žnecy ne byli mogti prileteti.[44]

Kogda Šepard vračaje se na Citadel, ta už atakovana je getami i Suverenom. Normandija probivaje se skroz potoky korabov getov i dostavjaje Šeparda i jegov odred na stanciju. Šepard strečaje se s Sarenom, koj už sili se aktivirovati retranslator Citadely daby dati start Žnecam na pribytje. Šepard može uveriti Sarena v tom, že Saren je omutnjeny Žnecami — togda on ubije se. Akoli uverenje ne bude imati uspeh, togda potrebno bude ubiti Sarena. Potom Šepard može dodati dane od VI Straža dlja preprogramovanja Citadely. Posle togo Šepardu potrebno izbrati: dati komandu na obranu velikogo koraba Voznesenje Preznačenja (ang.: Destiny Ascension), na ktorom je Sovet Citadely koj prosi pomoč, ale togda flot Aliansa bude imati velike izgubjenja, ili v momentu atakovati Suverena; ale togda korab Soveta bude bez obrany i bude izničtožen, a Sovet umre.[44]

Akoli Šepard spasaje Sovet, togda ljudi smogut vhoditi s njego i sovetnikom može stati ili Anderson ili Udina (to izbiraje Šepard). Jestli Sovet umrl, togda Udina formiruje novy Sovet, glava ktorogo sut ljudi, a predsednik bude ili Udina ili Anderson.[44]

V koncu Šepard prodolžaje iskati metody dlja stopovanja Žnecov.[44]

Dodatne epizody (DLC)

[praviti | praviti izvorny kod]

Dlja Mass Effect je bylo izdano 2 DLC: Bring Down the Sky v marcu 2008 lěta, Pinnacle Station v avgustu 2009 lěta. V 2012 leto DLC Bring Down the Sky bylo izdano za PlayStation 3[13][14], ale Pinnacle Station izdan ne byl.

Nazva Data izdanja
Xbox 360 Microsoft Windows PlayStation 3
20 marca 2008 lěta 28 maja 2008 lěta[16] 4 dekembra 2012 lěta[51][52]

V DLC jedno zadanje, v ktorom piraty-batarianci (ang.: batarians) hčut skydnuti asteroid X57 na planetu Tera Nova (ang.: Terra Nova)[17].

ang.: Pinnacle Station 25 avgusta 2009 lěta[19] 25 avgusta 2009 lěta nema

To vtoro DLC dodaje trenovačnu kosmičnu stanciju. Jejny komandir je admiral Ahern (ang.: Tadius Ahern). Igrač može trenovati se na stancije v simulatoru, ktory imaje 12 scenarijev i bonusny scenarij, ktory simuliruje jedin boj iz Vojny Prvogo Kontakta (ang.: First Contact War). Akoli završiti bonusny scenarij, igrač dobyvaje v dar apartamenty na planetě Intajsej (ang.: Intai'sei), v ktoryh igrač može kupiti redke predmety za dost malu cenu, ktora je vo mnogo raz niže, neželi v magazinah[21].

Muzika

[praviti | praviti izvorny kod]

Muzikalne kompozicije stvorjal Džek Vol[2][5], ktory do Mass Effect stvoril saundtrek dlja igry Jade Empire 2005-go lěta i ktoru takože stvorila BioWare[53][54].

20 novembra 2007-go lěta label Sumthing Else izdal album Mass Effect Original Game Soundtrack[55][56], ktory sodržal v sobě 37 kompozicij iz igry (obča dolgota 1 čas i 15 minut), a takože kompoziciju iz albuma M4 kanadskoj indie-rock grupy Faunts, ktora zvuči v igrě pri finalnyh titrah[55].

13 novembra 2012-go lěta label FUNimation izdal album Mass Effect Paragon Lost Original Motion Picture Soundtrack, s dolgotoju 1 čas i 9 minut, ktory sodržal v sobě 27 kompozicij iz anime-seriala Mass Effect: Paragon Lost[57].

Spisok kompozicij iz Mass Effect[55]
№ Nazva Avtori Dolgost
1 Mass Effect Theme Jack Wall, Sam Hulick 02:21:00
2 The Normandy Sam Hulick 01:35:00
3 Eden Prime Jack Wall 01:34:00
4 Battle At Eden Prime Sam Hulick 01:23:00
5 Saren Jack Wall 02:00:00
6 The Citadel Richard Jacques, Jack Wall, Sam Hulick 01:45:00
7 The Presidium Jack Wall 01:32:00
8 The Wards Jack Wall 03:14:00
9 Criminal Elements Jack Wall 01:56:00
10 Spectre Induction Richard Jacques, Jack Wall, Sam Hulick 01:55:00
11 Liara's World Jack Wall 02:35:00
12 A Very Dangerous Place Sam Hulick 02:40:00
13 Feros Jack Wall 01:34:00
14 Protecting The Colony Sam Hulick 01:56:00
15 The Thorian Jack Wall, Sam Hulick 03:12:00
16 Noveria Jack Wall 02:14:00
17 The Secret Labs Sam Hulick 02:39:00
18 The Alien Queen Richard Jacques, Jack Wall, Sam Hulick 01:44:00
19 Fatal Confrontation Jack Wall 01:09:00
20 Saren's Base Jack Wall 01:37:00
21 Breeding Ground Richard Jacques, Jack Wall, Sam Hulick 03:47:00
22 Virmire Ride Jack Wall 01:41:00
23 Exit Richard Jacques, Jack Wall, Sam Hulick 01:54:00
24 Love Theme Jack Wall 01:54:00
25 Uncharted Worlds Sam Hulick 01:16:00
26 Ilos Jack Wall 01:39:00
27 Vigil Jack Wall 01:44:00
28 Sovereign's Theme Sam Hulick 01:19:00
29 Uplink Sam Hulick 01:12:00
30 Battling Saren Jack Wall 01:38:00
31 In Pursuit Of Saren Jack Wall, Sam Hulick 01:37:00
32 Infusion Richard Jacques, Jack Wall, Sam Hulick 01:30:00
33 Final Assault Richard Jacques, Jack Wall, Sam Hulick 02:02:00
34 Victory Sam Hulick 00:51:00
35 From The Wreckage Sam Hulick 01:54:00
36 The End (Reprise) Jack Wall, Sam Hulick 01:10:00
37 M4 Part II (Faunts) Faunts 08:18:00

Anons i izdanje

[praviti | praviti izvorny kod]
Sistemne trěbovanja
Parametr Potrěby
Osobne kompjutery
Operacijna sistema Windows XP i Windows VistaWindows XP i vyše
CPU 2,4 GHzГГц Intel ili 2,0 GHzГГц AMD2,6 GHzГГц Intel ili 2,4 GHzГГц AMD i vyše
Pamet 1 Gb RAM (XP)/2 Gb RAM (Vista)2 Gb RAM i vyše
Svobodno město 12 Gb12 Gb i vyše
Displej Nvidia GeForce 6 (6800GT ili lepje) ili / ATI Radeon 1300XT s poddržkoj šajder-modely 3.0GeForce 7900 GTX / ATI Radeon X1800 XL i vyše
Zvukova aparatura Sumestima-kompatibilna s DirectX 9.0 sumestima zvukova kartaSumestima-kopmatibilna DirectX 9.0 s i vyše sumestima zvukova karta

Igra oficialno byla anonsovana je na Xbox show v Amsterdamu 4 oktobra 2005-go lěta.[58]

V maju 2006-go lěta demonstracijna versija igry byla prědstavjena na Electronic Entertainment Expo i dobyla Game Critics Awards kak najlěpša roljeva igra.[59][60]

Novy gejmplej byl pokazan je v septembru 2006-go lěta na Xbox show v Barseloně.[61]

V marcu 2007-go lěta gejmplej byl pokazan je cěly čas v San-Francisko na Game Developeres Conference.[62]

Povtorno igra byla pokazana na Electronic Entertainment Expo v juliju 2007-go lěta.[63]

V avgustu 2007-go lěta byla pokazana na Games Convention v LeipziguЛеjпцигу.[64]

V izdanje igra šla 20 novembra 2007-go lěta.[65]

Recenzije

[praviti | praviti izvorny kod]
Izdanje Ocěnka
PC PS3 Xbox 360
GameRankings 89,70 %[66] 82,00 %[67] 91,24 %[68]
Metacritic 89/100[69] 85/100[70] 91/100[71]
1UP.com A-[72] - A[73]
CVG 9,2/10[74] - 9,0/10[75]
Edge 7/10[76] - -
Eurogamer 8/10[77] - 8/10[78]
Game Informer - - 9,75/10[79]
GamePro - - 4,75/5[80]
GameSpot 9,0/10[81] - 8,5/10[82]
GameSpy 5 zvězd[83] - 5 zvězd[84]
GamesRadar+ 9/10 - 9/10[85]
GameTrailers - - 9,6/10[86]
IGN 9,4/10[87] 9,0/10[88] 9,4/10[89]
Official Xbox Magazine - - 10/10[90]
3DNews 9,5/10[91] - -
Absolute Games 79 %[92] - -
PlayGround.ru 8,6/10[93] - -
Игромания 9,5/10[94] - -
iDnes.cz 95%[95]

Prodolženje-sikvel

[praviti | praviti izvorny kod]

Tvorjenje vtoroj igry počelo se v početku 2008-go lěta. Mass Effect 2 byla izdana je 26 januara 2010-go lěta[96][97][22]. Na PlayStation 3 igra byla izdana 18 januara 2011-go lěta[98][99][100]. V Mass Effect 2 možno importovati shranjenu igru iz Mass Effect — dejanja iz prvoj igry imajut vliv vo vtoroj[101].

Iztočniky

[praviti | praviti izvorny kod]
  1. ↑ "Mass Effect PC Manual" (zip). 2008. Bylo arhivovano iz iztočnika 1 januara 2025. Data dostupa: 12 avgusta 2026.
  2. 1 2 3 4 5 6 7 8 Manual 2008, str. 32.
  3. ↑ Mass Effect (Video Game 2007) - Full cast & crew | Additional Crew na IMDb
  4. ↑ Mass Effect (Video Game 2007) - Full cast & crew | Art Director na IMDb
  5. 1 2 3 4 5 Mass Effect (Video Game 2007) - Full cast & crew | Composers na IMDb
  6. ↑ Gaudiosi, John (20 novembra 2007). "Critically Acclaimed Mass Effect Powered by Unreal Engine 3". Bylo arhivovano iz iztočnika 13 avgusta 2026.
  7. ↑ "Mass Effect: Legendary Edition uses Unreal Engine 3 for good reason according to the developers". GamesRadar+. 4 februara 2021. Bylo arhivovano iz iztočnika 6 februara 2021. Data dostupa: 12 oktobra 2022.
  8. ↑ Brudvig, Erik (19 novembra 2007). "Mass Effect Review" (na anglijskom). Bylo arhivovano iz iztočnika 5 oktobra 2016.
  9. ↑ Villoria, Gerald (19 novembra 2007). "Mass Effect" (na anglijskom). Bylo arhivovano iz iztočnika 20 novembra 2007.
  10. ↑ Villoria, Gerald (28 maja 2008). "BioWare's space opera comes to PC and is still one of the greatest role-playing games we've ever played" (na anglijskom). Bylo arhivovano iz iztočnika 31 maja 2008.
  11. ↑ Goldfarb, Andrew (26 septembra 2012). "Mass Effect Trilogy Set Announced" (na anglijskom). Bylo arhivovano iz iztočnika 26 septembra 2012.
  12. ↑ Makuch, Eddie (2 novembra 2010). "Mass Effect Trilogy comes to PS3 Dec. 4" (na anglijskom). Bylo arhivovano iz iztočnika 7 novembra 2017.
  13. 1 2 "Ryan Warden: An Update on the Mass Effect Trilogy" (na anglijskom). 1 novembra 2012. Bylo arhivovano iz iztočnika 3 novembra 2012.
  14. 1 2 Moriarty, Colin (30 novembra 2012). "Reminder: Mass Effect Comes to PS3 Very Soon" (na anglijskom). Bylo arhivovano iz iztočnika 3 dekembra 2012.
  15. 1 2 Manual 2008, str. 6.
  16. 1 2 "Free Downloadable Content Now Available for Mass Effect PC" (na anglijskom). 29 julija 2008. Bylo arhivovano iz iztočnika 8 avgusta 2008.
  17. 1 2 Brudvig, Erik (25 februara 2008). "Mass Effect: Bring Down the Sky Interview" (na anglijskom). Bylo arhivovano iz iztočnika 16 februara 2013.
  18. ↑ Purchese, Robert (24 avgusta 2009). "New Mass Effect DLC detailed" (na anglijskom). Bylo arhivovano iz iztočnika 28 novembra 2022.
  19. 1 2 livesaifer (24 avgusta 2009). "Mass Effect: Дополнение "Pinnacle Station" доступно в Xbox Live" (na russkom). Bylo arhivovano iz iztočnika 31 julija 2026.
  20. ↑ Thorsen, Tor (25 avgusta 2009). "New Mass Effect DLC, avatar items now available. UPDATE Microsoft releases Pinnacle Station, a 13-mission, two-to-three-hour add-on to the popular Xbox 360 role-playing game; Mass Effect outfits hit Marketplace en masse" (na anglijskom). Bylo arhivovano iz iztočnika 23 januara 2019.
  21. 1 2 Brudvig, Erik (25 avgusta 2009). "Mass Effect: Pinnacle Station Review" (na anglijskom). Bylo arhivovano iz iztočnika 16 februara 2013.
  22. 1 2 Дьяконенко, Сергей (3 februara 2010). "Mass Effect 2 стал первым игровым блокбастером 2010 года" (na russkom). Bylo arhivovano iz iztočnika 13 avgusta 2026.
  23. ↑ "Relive the Award-Winning Space Opera in Mass Effect Legendary Edition on May 14" (na anglijskom). 2 februara 2021. Bylo arhivovano iz iztočnika 2 februara 2021.
  24. 1 2 Manual 2008, str. 7-9.
  25. 1 2 Manual 2008, str. 8.
  26. ↑ Manual 2008, str. 14-15.
  27. 1 2 Manual 2008, str. 10-11.
  28. ↑ Manual 2008, str. 22.
  29. ↑ Manual 2008, str. 26.
  30. 1 2 Manual 2008, str. 16-17.
  31. ↑ Manual 2008, str. 18-19.
  32. ↑ Manual 2008, str. 20-21.
  33. ↑ Manual 2008, str. 24.
  34. ↑ BioWare. Mass Effect (2007). Igrovy Kodeks: "Inoplanetjani: Rasy v Sovetě Citadely" (ang.: Aliens: Council Races).
  35. ↑ BioWare. Mass Effect (2007). Igrovy Kodeks: "Inoplanetjani: Rasy ne v Sovetě Citadely" (ang.: Aliens: Non-Council Races).
  36. 1 2 BioWare. Mass Effect (2007). Igrovy Kodeks: "Človečstvo i Alians Sistem" (ang.: Humanity and the Systems Alliance).
  37. ↑ BioWare. Mass Effect (2007). Igrovy Kodeks: "Citadel i Galaktičska vlada" (ang.: Citadel and Galactic Government).
  38. 1 2 3 4 5 6 7 8 9 10 11 12 13 Mass Effect (Video Game 2007) - Full cast na IMDb
  39. ↑ Seth B. Green - Video Game Credits - MobyGames, "Mass Effect (2007, Xbox 360) Jeff “Joker” Moreau"
  40. ↑ Roger Labon Jackson - Video Game Credits - MobyGames, "Mass Effect (2007, Xbox 360) Additional Voices"
  41. ↑ Carolyn Seymour - Video Game Credits - MobyGames, "Mass Effect (2007, Xbox 360) Additional Voices"
  42. ↑ Josh  Dean - Video Game Credits - MobyGames, "Mass Effect (2007, Xbox 360) Additional Voices"
  43. ↑ Raphael Sbarge - Video Game Credits - MobyGames, "Mass Effect (Xbox 360) Kaidan Alenko"
  44. 1 2 3 4 5 6 7 8 9 10 11 12 BioWare. Mass Effect (2007)
  45. ↑ Jakobs, Benjamin (2008). "Mass Effect: X57 DLC: Kollisionskurs" (na němečskom). Bylo arhivovano iz iztočnika 13 avgusta 2026.
  46. 1 2 3 4 MobyGames | Mass Effect Credits Bring Down the Sky: Keywords International Ltd.
  47. ↑ www.gamekult.com - Mass Effect : Turbulences à 900.000 pieds
  48. ↑ Snowball Studios | Mass Effect: Золотое издание
  49. ↑ ""Mass Effect: Гибель с небес". Качаем" (na russkom). 30 dekembra 2008. Bylo arhivovano iz iztočnika 26 maja 2022.
  50. ↑ Xbox.com | Impatto imminente [EN]
  51. ↑ "PS3-версия Mass Effect Trilogy в декабре" (na russkom). 2 novembra 2012. Bylo arhivovano iz iztočnika 17 februara 2025.
  52. ↑ Moriarty, Colin (10 dekembra 2012). "Mass Effect PS3 Review" (na anglijskom). Bylo arhivovano iz iztočnika 12 dekembra 2012.
  53. ↑ Jack Wall - Jade Empire (Original Video Game Soundtrack) na Discogs
  54. ↑ Jade Empire (Video Game 2005) - Full cast & crow | Composer na IMDb
  55. 1 2 3 "Mass Effect Original Soundtrack" (na anglijskom). 13 novembra 2007. Bylo arhivovano iz iztočnika 31 oktobra 2008.
  56. ↑ "Sumthing Else Music Works Announces Release Of The Mass Effect Original Soundtrack From The Blockbuster Xbox 360(R) Video Game" (na anglijskom). 19 novembra 2007. Bylo arhivovano iz iztočnika 27 mareca 2023.
  57. ↑ "Mass Effect: Paragon Lost Animated FIlm Score Composed by Joshua R. Mosley and David Kates" (na anglijskom). 8 novembra 2012. Bylo arhivovano iz iztočnika 9 novembra 2012.
  58. ↑ Onyett, Charles (4 oktobra 2005). "X05: Mass Effect: Eyes-On" (na anglijskom). Bylo arhivovano iz iztočnika 13 avgusta 2026.
  59. ↑ Mueller, Greg (11 maja 2006). "E3 06: Mass Effect Impressions" (na anglijskom). Bylo arhivovano iz iztočnika 26 mareca 2023.
  60. ↑ Onyett, Charles (10 maja 2006). "E3 2006: Mass Effect Impressions" (na anglijskom). Bylo arhivovano iz iztočnika 19 septembra 2014.
  61. ↑ "Microsoft Announces X06" (na anglijskom). 22 junija 2006. Bylo arhivovano iz iztočnika 28 januara 2023.
  62. ↑ Goldstein, Hilary; Brudvig, Erik (7 mareca 2007). "GDC 2007: Mass Effect - The First Hour" (na anglijskom). Bylo arhivovano iz iztočnika 19 septembra 2014.
  63. ↑ "Live from the Santa Monica Pier! Mass Effect Stage Demo" (na anglijskom). 19 julija 2007. Bylo arhivovano iz iztočnika 11 junija 2009.
  64. ↑ "Critically-Acclaimed RPG "Mass Effect" Begins Epic Journey on 23rd November 2007" (na anglijskom). 31 avgusta 2007. Bylo arhivovano iz iztočnika 21 maja 2024.
  65. ↑ "Gamer Excitement Reaches Galactic Proportions as "Mass Effect" Touches Down Today on Retail Shelves in North America" (na anglijskom). 20 novembra 2007. Bylo arhivovano iz iztočnika 13 avgusta 2026.
  66. ↑ "Mass Effect for PC" (na anglijskom). GameRankings. Bylo arhivovano iz iztočnika 9 dekembra 2019. Data dostupa: 9 dekembra 2019.
  67. ↑ "Mass Effect PlayStation 3" (na anglijskom). GameRankings. 5 oktobra 2016. Bylo arhivovano iz iztočnika 13 dekembra 2012.
  68. ↑ "Mass Effect for Xbox 360" (na anglijskom). GameRankings. Bylo arhivovano iz iztočnika 9 dekembra 2019. Data dostupa: 9 dekembra 2019.
  69. ↑ "Mass Effect (PC)" (na anglijskom). Metacritic. 24 aprilja 2012. Bylo arhivovano iz iztočnika 21 avgusta 2010.
  70. ↑ "Mass Effect (PlayStation 3)" (na anglijskom). Metacritic. 5 oktobra 2016. Bylo arhivovano iz iztočnika 18 novembra 2012.
  71. ↑ "Mass Effect (Xbox 360)" (na anglijskom). Metacritic. 24 aprilja 2012. Bylo arhivovano iz iztočnika 17 avgusta 2010.
  72. ↑ Thierry Nguyen (17 junija 2008). "Mass Effect PC Review". 1UP.com (na anglijskom). Bylo arhivovano iz iztočnika 26 junija 2012. Data dostupa: 25 aprilja 2012.
  73. ↑ {{cite web|url=http://www.1up.com/reviews/mass-effect |title=Mass Effect (XBOX 360) |author=Jennifer Tsao|date=2007-11-19 |work={{-|[[1UP.com]}} |lang=en |access-date=2012-04-25|archive-url=https://web.archive.org/web/20120605212422/http://www.1up.com/reviews/mass-effect|archive-date=2012-06-05}}
  74. ↑ Ed Zitron (4 junija 2008). "Mass Effect PC Review". Computer and Video Games (na anglijskom). Bylo arhivovano iz iztočnika 12 mareca 2012. Data dostupa: 25 aprilja 2012.
  75. ↑ Alex Dale (19 novembra 2007). "Mass Effect Xbox Review". Computer and Video Games (na anglijskom). Bylo arhivovano iz iztočnika 12 januara 2011. Data dostupa: 25 aprilja 2012.
  76. ↑ "Mass Effect review". Future Publishing (na anglijskom). 2 dekembra 2007. Bylo arhivovano iz iztočnika 1 mareca 2012. Data dostupa: 25 aprilja 2012.
  77. ↑ Kristan Reed (19 novembra 2007). "Mass Effect Review". Eurogamer (na anglijskom). Bylo arhivovano iz iztočnika 11 januara 2009. Data dostupa: 25 aprilja 2012.
  78. ↑ Kristan Reed. "Mass Effect Review". Eurogamer (na anglijskom). Bylo arhivovano iz iztočnika 11 januara 2009. Data dostupa: 25 aprilja 2012.
  79. ↑ Andrew Reiner (novembra 2007). "Mass EFfect". Game Informer (175): 151.
  80. ↑ Cameron Lewis (19 novembra 2007). "GamePro review". Gamepro (na anglijskom). Bylo arhivovano iz iztočnika 21 septembra 2008. Data dostupa: 25 maja 2009.
  81. ↑ Chris Watters (28 maja 2008). "Mass Effect Review for PC". GameSpot (na anglijskom). Bylo arhivovano iz iztočnika 1 maja 2012. Data dostupa: 25 aprilja 2012.
  82. ↑ Kevin VanOrd. "GameSpot review". GameSpot (na anglijskom). Bylo arhivovano iz iztočnika 1 maja 2012. Data dostupa: 25 aprilja 2012.
  83. ↑ Villoria, Gerald. "GameSpy: Mass Effect". GameSpy (na anglijskom). Bylo arhivovano iz iztočnika 31 maja 2008.
  84. ↑ Villoria, Gerald. "Gamespy review". GameSpy (na anglijskom). Bylo arhivovano iz iztočnika 20 novembra 2007. Data dostupa: 25 maja 2009.
  85. ↑ Eric Bratcher. "Mass Effect review". GamesRadar (na anglijskom). Bylo arhivovano iz iztočnika 13 oktobra 2012. Data dostupa: 10 maja 2012.
  86. ↑ "Mass Effect". GameTrailers (na anglijskom). Bylo arhivovano iz iztočnika 22 februara 2009. Data dostupa: 22 februara 2009.
  87. ↑ Jason Ocampo (27 maja 2008). "Mass Effect Review". IGN (na anglijskom). Bylo arhivovano iz iztočnika 30 maja 2014. Data dostupa: 1 oktobra 2016.
  88. ↑ Colin Moriarty (10 dekembra 2012). "Mass Effect PS3 Review". IGN (na anglijskom). Bylo arhivovano iz iztočnika 29 januara 2016. Data dostupa: 2 oktobra 2016.
  89. ↑ Erik Brudvig (19 novembra 2007). "Mass Effect Review". IGN (na anglijskom). Bylo arhivovano iz iztočnika 24 septembra 2016. Data dostupa: 1 oktobra 2016.
  90. ↑ Paul Curthoys (19 novembra 2007). "Mass Effect review". Official Xbox Magazine (na anglijskom). Bylo arhivovano iz iztočnika 6 oktobra 2011. Data dostupa: 6 oktobra 2011.
  91. ↑ Сапрыкин, Геннадий (7 junija 2008). "Mass Effect — покорители вселенной". 3DNews (na russkom). Bylo arhivovano iz iztočnika 7 mareca 2012. Data dostupa: 24 aprilja 2012.
  92. ↑ Nomad (15 junija 2008). "Рецензия на Mass Effect". Absolute Games (na russkom). Bylo arhivovano iz iztočnika 1 januara 2013. Data dostupa: 12 dekembra 2019.
  93. ↑ demigot (26 junija 2008). "Mass Effect. Сны о чем-то большем". Playground (na russkom). Bylo arhivovano iz iztočnika 12 avgusta 2020. Data dostupa: 24 aprilja 2012.
  94. ↑ Курган, Георгий (2008). "Полные рецензии > Mass Effect". Игромания (na russkom). Игромедиа. Bylo arhivovano iz iztočnika 11 aprilja 2012.
  95. ↑ Kárník, Petr (27 junija 2008). "Mass Effect CZ – vynikající epické RPG nezklamalo!". iDnes.cz (na češskom). Bylo arhivovano iz iztočnika 18 julija 2024.
  96. ↑ Nunneley-Jackson, Stephany (16 oktobra 2009). "Mass Effect 2 confirmed for January 2010 release with preorder bonus" (na anglijskom). Bylo arhivovano iz iztočnika 28 novembra 2021.
  97. ↑ "Mass Effect 2. Дата выхода" (na russkom). 17 oktobra 2009. Bylo arhivovano iz iztočnika 13 avgusta 2026.
  98. ↑ Reilly, Jim (9 dekembra 2010). "Mass Effect 2 PS3 Release Date" (na anglijskom). Bylo arhivovano iz iztočnika 19 dekembra 2014.
  99. ↑ Priestly, Evil Chris (15 dekembra 2010). "Mass Effect 2 on Playstation 3 Podcast and Gold Announcement" (na anglijskom). Bylo arhivovano iz iztočnika 17 dekembra 2010.
  100. ↑ "BioWare's Award-Winning Mass Effect 2 Makes PlayStation 3 Debut Today" (na anglijskom). 18 januara 2011. Bylo arhivovano iz iztočnika 9 avgusta 2026.
  101. ↑ Reilly, Jim (28 dekembra 2009). "Mass Effect 2 Importing Requires Hard Drive" (na anglijskom). Bylo arhivovano iz iztočnika 9 novembra 2020.

Vnešnje linky

[praviti | praviti izvorny kod]

Izvor: «https://isv.wikipedia.org/w/index.php?title=Mass_Effect_(igra)&oldid=45942»