Mikołaj Kopernik
Mikołaj Kopernik (pol.: Mikołaj Kopernik; lat.: Nicolaus Copernicus; něm.: Nikolaus Kopernikus; 1473–1543) byl poljsky astronom, avtor knigy De revolutionibus orbium coelestium («O obratah sfer nebskyh») ktora prědstavja detaljevano i v naučno upotrěbimoj formě heliocentričny vid Vsemira. Hot koncepcija heliocentrizma pojavila se uže v antičnoj Grecije (jej tvorcem byl Aristarh iz Samos), to jednako doprva dělo Kopernika dokonalo proloma i navedlo k jednoj iz najvažnějših naučnyh revolucij od časov antičnyh, zvanoj «kopernikanskym prěvratom».
Byl rodženy 19 ljutogo 1473 v TorunjuТоруњу. Byl vsestrannym člověkom obdobja a, poza astronomijeju zajmal se tož matematikoju, pravom, ekonomijeju, vojennoju strategijeju i astrologijeju, byl takože lěkarem i prěvoditeljem. Umrěl prěd 21 maja 1543 v Fromborku.