Ministerstvo vnutrišnjih děl
Ministerstvo vnutrišnjih děl (MVD) je organ izpolniteljnoj vlady državy, ktory istnuje v večinstvu krajev světa i naleži k «klasičnym ministerstvam», ktore uže povstali v časah vladanja absolutičnyh kraljev. Opravnjenja ministerstva vnutrišnjih děl različajut se medžu državami, ale v občem ono često je odgovorna za državnu administraciju, vnutrišnju politiku, spoločnu bezpečnost, ohranu pravnogo poredka, borbu s prěstupnostju, imigraciju i tako dalje. V praktikě MVD zajmaje se prědmetami, ktore ne prinaležet drugym ministerstvam, a mnogo sučasnyh ministerstv zajmaje se prědmetami, ktorymi davněje zajmalo se MVD, ale pozdněje byli odščepjene s cěljem podčrknenja jihnoj važnosti.
Glava MVD najčestěje je Ministr vnutrišnjih děl.