Oswald Mosley
Oswald Mosley | |
 | |
| Rodil se | Oswald Ernald Mosley 16 novembra 1896 |
|---|---|
| Umrl | 3 dekembra 1980 |
| Dolžnost | Lider Britanskoj Uniji Fašistov |
| Politična partija | Konservativna (1918-1922) Partija Truda (1924–1931) Nova Partija (1931–1932) Britanska Unija Fašistov (1932–1940) Ruh Uniji (1948–1973) Narodna Partija Evropy (1962–1980) |
| Nagrady | Zvězda 1914–15 Britanska Vojenna Medalj Medalj Pobědy |
Oswald Ernald MosleyОсвалд Ерналд Мосли (* 16 novembra 1896, London - † 3 dekembra 1980, OrsayОрсе) - britansky politik. Byl poslancom v parlamentu od okruga HarrowХароу v godah 1918-1924, a takože od okruga SmethwickСметвик v godah 1926–1931.
V 1932 godu osnoval Britansku Uniju Fašistov (ang.: British Union of Fascists, BUF) i provodžal ju až do jej razpuščenja v 1940.
Životopis
[praviti | praviti izvorny kod]Dětinstvo
[praviti | praviti izvorny kod]MosleyМосли urodil se 16 novembra 1896[1] goda v městečku MayfairМајфер v Londonu. Byl najstarějšim synom Oswalda MosleyaОсвалда Мослиа (1873–1928) i Katharine Maud Edwards-HeathcoteКетрин Мауд Едвардс-Хиткот.
Od 1906 goda učil se v školu West Downs v WinchesterУинчестер; tam OswaldОсвалд iziskal slavu ako učestnik debat.[2] Nastupno v 1909 godu, v vozrastu 12 godov, počel nauku v WinchesterУинчестер Koledž i uznal školu za trudnu i nudnu. V vozrastu 15 godov stal bokserom, izigryvavši čempionat v legkoj vagě, ale direktor školy mu togo vozbranil. MosleyМосли zajel se onogda fehtovanjem. V času školy byl čempionom fehtovanja, dobyvavši zvanja kako v špagu takože i v sablji. Prěz cěle žitje shranil entuziazm do tutogo sporta.
Vojenna služba
[praviti | praviti izvorny kod]MosleyМосли opustil koledž v 1912, a lětom 1913 goda obstajal prěz kratke vrěme v Brest vo Franciji, kde startoval v konkursah v fehtovanju. Po povratku do Angliji[3] žedal vstupiti do armije i v januaru 1914 goda počel nauku v Kraljevskoj Vojennoj Akademiji v SandhurstСандхерст. Obdobje, provedeno v akademii, uznal za "jedno iz najščestlivějših obdobij v cělom svojem žitju"[4], jednako v juniju stal iz njej izgnany za "burlivy akt odplaty". John Masters tvrdil, že MosleyМосли stal izkydnuty prěz okno prěz inyh učenikov; podolg Dorrila v realnosti poslizgnul se i upadl, kogda pokušal sobrati ljudi do odplaty na grupě učenikov, ktori go napadli.
Podčas Prvoj Světovoj Vojny stal včlenjeny do britanskoj entiteta kavaleriji - 16. Polku Kraljevskyh Ulanov - i bojeval vo Franciji na zapadnym frontu. Prěnesl se do Kraljevskogo Aeronavtičnogo Korpusa ako pilot i aeronavtični pogledatelj, ale podčas izstavy prěd svojej materju i sestroju iměl neščestny slučaj.
Politika
[praviti | praviti izvorny kod]Partija Truda
[praviti | praviti izvorny kod]MosleyМосли poklonil se k lěvice političnoj i pritegnul uvagu kako Liberalov tako i Partiji Truda (ang.: Labour Party) svojimi glediščami na zagraničnu politiku, v ktoroj izskazyval se za krěpku Ligu Nacij, a takože izolacionizm.[5] MosleyМосли vse bolje interesoval se Partijeju Truda, ktora nedavno stvorila svoju prvu vladu (pod voditeljstvom Ramsaya MacDonaldaРамсаја МакДоналда) po obyčnyh izborah v 1923 godu.
Kogda v oktobru upadla vlada, MosleyМосли iměl izbrati novy izborny okrug, ibo uvažal, že v HarrowХароу ne stanje ponovno izbrany ako kandidat Partije Truda. Postanovil zato startovati protiv Neville'a ChamberlainaНевилја Чемберлена v okrugu Birmingham LadywoodБирмингем Лејдивуд. Slyl on iz togo, že vnosil do kampanije emocije i energije.
Nova Partija
[praviti | praviti izvorny kod]Nezadovoljeni od Partiji Truda, MosleyМосли zajedno s šestju inymi poslancami tutoj partije osnovali Novu Partiju.
Nova Partija vse vyše poklonila se k fašističnoj politikě. S časom, ako Nova Partija stavala se vse bolje radikalna i avtoritarna, velje jej davnyh poslědovateljev odšli od njej.
Fašizm
[praviti | praviti izvorny kod]
Po proigranju v izborah v 1931 MosleyМосли vydal se v naučny put, aby spoznati se s "novymi ruhami" italijanskogo DuceДуче Benita MussoliniБенита Мусалини i inyh fašistov, a po povračenju byl ubědženy, že je to draga, ktoroju dolžna slědovati Velika Britanija. Byl zavzety sjediniti jestvujuče fašistične ruhy i v 1932 godu stvoril Britansku Unije Fašistov (ang.: British Union of Fascists, BUF).
Britanska Unija Fašistov byla organizacijeju protekcionističnoju, silno antikomunističnoju i nacionalističnoju, opiranoju na avtoritarizm.[6] Tvrdila ona, že Partija Truda provodila politiku "medžunarodnogo socializma", kogda cěljem fašizma je "nacionalny socializm".[7] Organizacija oglašala, že čisli až 50,000 členov, a do jej prvyh poslědovateljev naležali gazety "Daily Mail" i "Daily Mirror".[8]
MosleyМосли ugledal problemy, svezane s zabezpečenjem zasědanij Novoj Partije i stvoril poluvojenny odred militantov, odětyh v črne uniformy - Fašistične Sily Obranne, nazyvane "Črnymi Košuljami", na obrazec italijanskoj fašističnoj Dobrovoljnoj Miliciji Narodnoj Bezpečnosti (ital.: Milizia Volontaria per la Sicurezza Nazionale), ktoroj naslědovali. Partija ta često učestvovala v brutalnyh konfliktah, osoblivo s grupami komunističnymi i jevrejskymi, a konkretno v Londonu. Podčas velikogo věča MosleyМосли v Olimpiji 7 junija 1934 goda akty nasilja ze strany jego tělohraniteljev privedli negativny razglas.[9] Toj slučaj, a takože "Noč dolgyh nožev" v Němciji, dovedli do utraty večinstva spoločnogo poddrživanja dlja BUF.
Poslěvojenna politika
[praviti | praviti izvorny kod]Po Vtoroj Světovoj Vojně do MosleyМосли povratili se davni poslědovatelji i uvěrili go povratiti se do politiky. V 1948 godu osnoval Ruh Unije (ang.: Union Movement), ktory phal se do stvorjenja jedinoj državy, vključajučej cěly evropejsky kontinent, a v 1962 godu podjel pokušenje stvorjenja Nacionalnoj Partije Evropy (ang.: National Party of Europe). Iměl povezanja s italijanskoju neofašističnonu partijeju Italijansky Ruh Socialny (ital.: Movimento Sociale Italiano). V godah 50-h MosleyМосли byl za děljenjem Afriky na oblasti dlja črnyh i bělyh, ale dekolonizacija v godah 60-h završila te propozicije.[10]
MosleyМосли byl pionerom ruha, odrěkajučego Holokost. Hoti ne prěčil egzistovanju nacističnyh koncentracijnyh lagerov, tvrdil, že byli one nužne do podtrimanja "značnoj, neradoj ljudstva", kde problemy voznikali iz-za nedostatka zapasov, pričinjenogo "neprěstannymi bombardovanjami" aliansov antihitlerovskyh, a těla, spalene i ubite v gazovyh komorah, sut s povoda epidemije brjušnogo duru, a ne togo, že lagery te sut byli stvorjene nacistami za masove ubijstva ljudij. Tvrdil takože, že vinu za Holokost trěba pripisati jevrejam, Adolf Hitler ničto o tom ne věděl.[11]
Referencije
[praviti | praviti izvorny kod]Knigy
[praviti | praviti izvorny kod]- Stephen Dorril (2006), Blackshirt: Sir Oswald Mosley and British Fascism.
- Robert Skidelsky (1975), Oswald Mosley.
- David Sanders (2019), Authoritarian Populism and Liberal Democracy.
- John Gunther (1940), Inside Europe. New York: Harper & Brothers, s. 362–364.
- Robert Philpot (20 March 2021). "Holocaust denial was already taking root in Britain during WWII, says UK author". Times of Israel. Archived from the original on 10 July 2021.
- Philip Rees (1990). Biographical Dictionary of the Extreme Right Since 1890.
Linky
[praviti | praviti izvorny kod]- ↑ Dorril 2006, s. 21. (na anglijskom)
- ↑ Dorril 2006, s. 10. (na anglijskom)
- ↑ Dorril 2006, s. 13. (na anglijskom)
- ↑ Dorril 2006, s. 14. (na anglijskom)
- ↑ Skidelsky 1975, s. 122-124. (na anglijskom)
- ↑ Sanders 2019, s. 17-18.(na anglijskom)
- ↑ "What 1930s political ideologies can teach us about the 2020s". Aeon. Retrieved 29 January 2022. (na anglijskom)
- ↑ "Daily Mail". British Newspapers Online. Archived from the original on 12 October 2013. Retrieved 9 February 2014. (na anglijskom)
- ↑ Gunther 1940, s. 362–364.(na anglijskom)
- ↑ Rees 1990. (na anglijskom)
- ↑ Philpot 2021. (na anglijskom)
Vněšnje linky
[praviti | praviti izvorny kod]- Tutoj članok imaje prěvod iz članka «Oswald Mosley» v Vikipediji na anglijskom (spis avtorov; dozvoljenje CC BY-SA 4.0).