Platba
Tutoj kratky članok jest v začetku.
Možete pomogti Vikipediji uveličenjem članka. (januar 2025)
Platba (takože podanok) jest obvezna plata, ktora bere se državoju od fizičnoj ili pravnoj osoby dlja finansovanja državnyh funkcij. Platby sut ključnym iztokom dohoda državy.
Vidy platb
[praviti | praviti izvorny kod]Platby dělet se na prěme i posrědnje.
- Prěme platby
- Dohodny podanok bere se od dohodov i lihvy.
- Vlastničsky podanok bere se od vlastnika oprěděljenogo imutka (nedvižimost, transport)
- Posrědnje platby
- Podanok na dodavanu cěnnost bere se na vsakom stupnju iztvorjenja i prodaži tovarov.
- Akciz bere se od oprěděljenyh tovarov (alkohol, tabak, palivo, prědmety razkoši) v moment jih iztvorjenja.
Termin platby vo slovjanskyh jezykah
[praviti | praviti izvorny kod]Termin za platbu vo slovjanskyh jezykah je takovy:
- Russky — налог (nalog)
- Bělorussky — падатак (padatak)
- Ukrajinsky — податок (podatok)
- Poljsky — podatek (podatek)
- Češsky — daň (danj)[1]
- Slovačsky — daň (danj)[2]
- Hrvatsky — porez, pristojba, taksa, nálog (porez, pristojba, taksa, nalog)[3]
- Srbsky — порез, такса (porez, taksa)[4]
- Makedonsky — данок (danok)
- Bulgarsky — данък, налог (danok, nalog)[5][6]
Iztočniky
[praviti | praviti izvorny kod]- ↑ "daň" (na češskom). Slovník spisovného jazyka českého. Bylo arhivovano iz iztočnika 25 septembra 2021.
- ↑ "daň" (na slovačskom). Slovníkový portál Jazykovedného ústavu Ľ. Štúra SAV. Bylo arhivovano iz iztočnika 10 junija 2024.
- ↑ "nálog" (na hrvatskom). Hrvatski jezični portal. Bylo arhivovano iz iztočnika 24 junija 2023.
- ↑ "pòrez" (na hrvatskom). Hrvatski jezični portal. Bylo arhivovano iz iztočnika 22 junija 2023.
- ↑ "данък". ibl.bas.bg (na bulgarskom). Институт за български език. Bylo arhivovano iz iztočnika 15 aprilja 2019. Data dostupa: 14 avgusta 2026.
- ↑ "налог". ibl.bas.bg (na bulgarskom). Институт за български език. Bylo arhivovano iz iztočnika 23 dekembra 2025. Data dostupa: 14 avgusta 2026.