Pomoč:Imenne prostory
Imenny prostor je grupa stranic, ktore harakterizujut se prědrastkoju prědoprěděljenoju softverom MediaWiki. V linkah one vsegda imajut format [[<imenny prostor>:<nazva stranice>]], s dvojtočkoju kako razdělnik. Na priklad, link na koristničsku stranicu, ktora nahodi se v imennom prostoru Koristnik, izgledaje tako: [[Koristnik:<koristničsko ime>]]. Upotrěba imennyh prostorov umožnjaje različenje medžu stranicami, ktore izpolnjajut razne funkcije. Vse istinne imenne prostory (s čislom ≥0) imajut prinaležeče jim besědne prostory, prěznačene za razgovory o danyh stranicah.
Spisok imennyh prostorov
[praviti | praviti izvorny kod]Slědujuče imenne prostoru sut dostupne i koristane v medžuslovjanskoj Vikipediji. Vsaky imenny prostor imaje čislo, poniže pokazano v zatvorkah.
- Glavny (0)
- Vse stranice bez dodanogo imennogo prostora nahodet se avtomatično v «standardnom» ili «glavnom» prostoru. Tutoj prostor sodrživaje vse enciklopedične članky Vikipedije, na priklad: Solnce, Pes, Русскы језык.
- Besěda (1)
- Imenny prostor za razgovorne stranice pri člankah
- Koristnik (2)
- Imenny prostor s osobnymi stranicami koristnikov Vikipedije, na ktoryh oni mogut prědstavjati se občině.
- Besěda s koristnikom (3)
- Imenny prostor prěznačeny za razgovory s individualnym koristnikom
- Vikipedija (4)
- Imenny prostor za stranice, ktore tyčet se samoj raboty v Vikipediji: pravila, směrnice i tako dalje. Priklad: Vikipedija:KrčmaVikipedija:Крчма.
- Besěda Vikipedije (5)
- Razgovorne stranice pri stranicah, ktore nahodet se v imennom prostoru Vikipedija.
- Fajl (6)
- Sodrživaje fajly (obrazky, zvučny fajly, PDF-dokumenty i t.d., ktore možno je vključiti v člankah. Priklad: Fajl:Zagreb Cathedral 03.jpg. Medžuslovjanska Vikipedija ne imaje i ne može iměti vlastne fajly, one nahodet se v Vikiskladišču, ale tutoj imenny prostoru možno je upotrěbjati kako link k odpovědnomu fajlu v Vikiskladišču.
- Besěda o fajlu (7)
- Razgovorne stranice pri fajlah.
- MediaWiki (8)
- Imenny prostor za interfejs, v ktorom samo administratori interfejsa mogut dělati izměny. Zato že medžuslovjanske interfejsy (latiničny i kiriličny) takože mogut byti upotrěbjane v drugyh projektah, blizko vse sistemne poslanja nahodet se na vseobsegajučem sajtu https://translatewiki.net.
- Besěda o MediaWiki (9)
- Imenny prostor za razgovory o elementah interfejsa (rědko koristajemy).
- Šablon (10)
- Imenny prostor za šablony: postojanne, često povtarjajuče teksty i elementy stranic, ktore služet za prědavanje informacije suglasno oprěděljenomu vzoru, za navigaciju ili za někoje soobčenja, i ktore v mnogyh slučajah koristniki mogut napolnjati danymi. Priklady: Šablon:Kartka država, Šablon:Kirilica, Šablon:OdstranitiŠablon:Одстранити.
- Besěda o šablonu (11)
- Imenny prostor za razgovory o šablonah.
- Pomoč (12)
- V istinnosti ne različaje se od imennogo prostora Vikipedija, kromě togo, že sodrživaje pomočne stranice, napr. Pomoč:Kako koristati tutu viki.
- Besěda o pomoči (13)
- Razgovorne stranice pri stranicah v prostoru Pomoč.
- Kategorija (14)
- Imenny prostor za shemu kategorij Vikipedije. Linky na stranice v tutom prostoru vedet se inače neželi obyčne linky: link ne javi se v tekstu, ale inde (najčestěje na dolu stranice) i pričinjaje, že dana stranica je dodana v danu kategoriju. Priklad: Kategorija:PisateljiKategorija:Писатељи.
- Besěda o kategoriji (15)
- Razgovorne stranice pri kategorijah.
- Modul (828)
- Imenny prostor za softver-moduly napisane v jezyku Lua s pomočju razširjenja Scribunto, ktore pozvoljajut složenějšu funkcionalnost neželi šablony. Gledite: Pomoč:Lua.
- Besěda modula (829)
- Razgovorne stranice pri modulah.
- Specialna (-1)
- Virtualny imenny prostor za stranice, ktore v MediaWiki-softveru imajut dodatočnu funkcionalnost. Vse specialne stranice nahodet se na stranici Special:SpecialPages.
