Serval
 | |
| Status shranjenja | S minimalnym rizikom (LC) IUCN3.1[2] |
|---|---|
| Naučna klasifikacija | |
| Domen | Eukaryota |
| Carstvo | Animalia |
| Tip | Chordata |
| Klasa | Mammalia |
| Red | Carnivora |
| Podred | Feliformia |
| Sěmejstvo | Felidae |
| Podsěmejstvo | Felinae |
| Rod | Leptailurus (Severtcov, 1858)[3] |
| Vid | L. serval |
| Schreber in 1776[4] | |
| Binominalno ime | |
| Leptailurus serval | |
| Areal razprostranjenja | |
 | |
Serval (Leptailurus serval) jest diky kot srědnoj velikosti, ktory žive v Črnoj Afrikě. On jest jedinym vidom svojego roda.
Opisanje
[praviti | praviti izvorny kod]Serval imaje najdolžejše nogy iz vsih kotov odnosno jego razměra.[5] On ne jedino uměje bystro běgati, ale i jest udiviteljny skakun: skoči na dva ili tri metra od stoječego starta.
Dolžina dorastlogo servala jest okolo 80 cm tělo i okolo 40 cm hvost. On važi okolo 18 kg.[6] Jestvuje red podvidov, i geografičny areal razprostranjaje se od Mysa Dobroj Naděje v JAR do Alžirije, kdekoli na to sut prigodne uslovja.
Serval jest statno složeny, s velikymi ušesami i dolgymi nogami. Tylna strana ušes jest črna s velikymi bělymi petnami, i konec hvosta jest črny. Tute odznaky služet signalami drugym servalam, vključno kotet.[6]
Domovina
[praviti | praviti izvorny kod]Servalu jest nužny pristup k vodě i gustoj travě. Trstinove gušče, kusty i vysoka trava sut jego tipičnoju domovinoju. Serval jest teritorialno životno.[6]
Lov i dieta
[praviti | praviti izvorny kod]
Serval jest nočnym stvorom i lovi glavno nočeju. Serval jest vsežerny predator i jego dieta vključaje gryzunov, zajecev, damanov, ptic, reptilij, nasěkomyh, ryb i žab.[7]
Kako čest svojej adaptacije k lovu v savanah, dolge nogy servalu pomagajut dosegnuti bystrosti do 80 kilometrov za časinu, i on imaje velike uši s velmi ostrym sluhom. Dolge nogy i šija dozvoljajut servalu viděti nad vysokoju travoju, a jego uši pomagajut nahoditi žrtvy, i daže te, ktore ryjut nory v podzemju. Servali sut takože znajemi tym, že oni mogut zaryti se v nory pri stiganju podzemnyh žrtv, i skakati na 2 - 3 metra vo vozduh, da by loviti lětečih ptic.[8] S pomočju svojej vpečatlivajučej sposobnosti skakati, serval skoče vo vozduh i udarjaje pticu svojimi prědnjimi lapami. Kogda ptica jest na zemji, serval kusaje jejnu šiju i tako ubivaje žrtvu.
Kako večšinstvo kotovyh, serval jest samotny zvěr. Vsaku noč on putuje na 3 - 4 km pri iskanju jediva. Samica ohranjaje domove ozemje od 10 do 20 km², zavisno na prisutnosti krmy na městu. Samci ohranjajut večše teritorije od 12 do 32 km², i označajut svoju ozemju, bryzgajuči moč na kusty.
Zri takože
[praviti | praviti izvorny kod]Referencije
[praviti | praviti izvorny kod]- ↑ Wozencraft, W. C. (2005). "Order Carnivora". V Wilson, D. E.; Reeder, D. M. (red.). Mammal Species of the World: A Taxonomic and Geographic Reference (3rd izd.). Johns Hopkins University Press. str. 540. ISBN 978-0-8018-8221-0. OCLC 62265494.
- 1 2 Thiel, C. (2019). "Leptailurus serval". The IUCN Red List of Threatened Species. IUCN. 2019: e.T11638A156536762. doi:10.2305/IUCN.UK.2019-3.RLTS.T11638A156536762.en. Data dostupa: 24 januara 2022. Database entry includes justification for why this species is of least concern
- ↑ Severtzov, N. (1858). "Notice sur la classification multisériale des carnivores, spécialement des Félidés, et les études de zoologie générale qui s'y rattachent". Revue et Magasin de Zoologie, Pure et Appliquée (2). 10: 3–8, 145–150, 193–196, 241–246, 385–393.
- ↑ Schreber, J. C. D. (1778). "Der Serval". Die Säugethiere in Abbildungen nach der Natur, mit Beschreibungen. Erlangen: Wolfgang Walther. str. 407.
- ↑ African Wildlife Foundation
- 1 2 3 Sayer, Angela & Findlay, Michael 1979. The encyclopedia of the cat. London: Chancellor, p30/31. ISBN1-85152-923-3
- ↑ Serval: San Diego Zoo factsheet
- ↑ Sunquist, Mel & Sunquist, Fiona 2002. Wild cats of the World. Chicago: University of Chicago Press. pp. 142–151. ISBN 0-226-77999-8
Vnešnje linky
[praviti | praviti izvorny kod]- Tutoj članok imaje prěvod iz članka «Serval» v Vikipediji na prostom anglijskom (spis avtorov; dozvoljenje CC BY-SA 4.0).