Spisok personažev iz Mass Effect
Ta stranica daje opis personažev iz serije Mass Effect.
Glavny heroj
[praviti | praviti izvorny kod]Šepard
[praviti | praviti izvorny kod]Komander Šepard je glavny heroj originalnoj trilogije igr Mass Effect. Ime personaža, rod, predhistorija i vygled naznačaje igrač na početku novoj igry[1]. Takože igrač vodi harakter Šeparda — on može byti dobry ili zly i ciničny.
Bazovo standardno ime Šeparda-muža jest Džon (ang.: John), a ime Šeparda-ženy jest Džejn (ang.: Jane).
Mužsky glas Šeparda dal aktor Mark Meer[2].
Žensky glas Šeparda dala aktrisa Jennifer Hale[3].
Šepard može imati 6 variantov svojej historije. Každy variant sodrživaje jedin iz treh variantov historije pred služenja v Aliansu Sistem (kolonist, rodženi na Zemji, kosmičnik), jedin iz treh v čas služenja (heroj vojny, izživši, ljuty).
| Do armije | |
|---|---|
| Kolonist (ang.: colonist) | Dětinstvo Šeparda bylo na kolonije Mindoir. Koloniju atakovali sut piraty-rabotrgovci i ubili jegovyh roditeljev. Šeparda vzeli k sobe dozorny patrol Aliansa. Kogda Šepardu stalo 18 let, on pošel v armiju Aliansa. |
| Rodženi na Zemji (ang.: Earthborn) | Šepard byl sirota i jegovo dětinstvo prošlo v uličnyh bandah. Kogda Šepardu stalo 18 let, on pošel v armiju. |
| Kosmičnik (ang.: Spacer) | Roditelji Šeparda sut vojskovi ljudi. Vse dětinstvo Šepard byl na kosmičnyh korabah. Potom zapisal se v armiju Aliansa. |
| V čas služenja v armije | |
| Heroj vojny (ang.: War Hero) | V čas služenja na člověčskoj koloniji Elizium (ang.: Elysium) bojeval protiv piratov, kojih bylo mnogo, odbivši ataku. |
| Izživši (ang.: Sole Survivor) | Na planetě Akuza (ang.: Akuze) odred Šeparda byl atakovan velikym inoplanetnym životnym i byl cělo izničtoženy. Ostal jedino Šepard. |
| Ljuty (ang.: Ruthless) | Na planetě Torfan (ang.: Torfan) Šepard izgubil 3/4 svojego odreda, ale izpolnil zadanje, a takože izničil vsih neprijatelskyh piratov-batariancev. |
Jednako obča historija ostaje ze neizmenna. Šepard rodžen je 11 aprila 2154 leta.
Standardno Šepard je rodženi na Zemji i izživši. Takože imaje profesionalny vojskovy kod Aliansa N7.
Osnovne učestniki odreda
[praviti | praviti izvorny kod]Kajdan Alenko
[praviti | praviti izvorny kod]Kajdan Alenko (ang.: Kaidan Alenko) — lejtenant-poručnik, a takože biotik. Kako igrovy personaž imaje sposobnosti-specializaciju biotika. On je vozmožny romantičsky interes Šeparda-ženy v Mass Effect i Šeparda vsakogo roda v Mass Effect 3. V zavisnosti od izbora igrača on može sgynuti na Vermajru (ang.: Virmire), a takože na Citadelji v času Mass Effect 3.
Glas jemu dal aktor Raphael Sbarge[4][5].
Ešli Viljams
[praviti | praviti izvorny kod]Ešli Medelin Viljams (ang.: Ashley Medelin Williams) — kosmična pěhotnica Aliansa. Igrač strěčaje ju v Mass Effect. Ona može byti romantičskym interesom Šeparda-muža v Mass Effect i v Mass Effect 3. V zavisnosti od izbora igrača on može sgynuti na Vermajru, a takože na Citadelji v času Mass Effect 3.
Ona imaje človekosentričny ksenofobny pogled, ale ne pokazyvaje ih kogda to ne jest potrebno i ona je dost religiozna.
Glas jej dala aktrisa Kimberly Brooks[6].
Urdnot Reks
[praviti | praviti izvorny kod]Urdnot Reks (ang.: Urdnot Wrex) — krogan-biotik. Šepard strěčaje jego na Citadeli v Mass Effect. On je jedin iz poslednyh kroganov, koj imaje rang bojevogo majstra (ang.: Battlemaster). V zavisnosti od izbora igrača on može sgynuti na Vermajru, a takože umreti na Citadelji v času Mass Effect 3.
Glas jemu dal aktor Steven Barr[7].
Liara T'Soni
[praviti | praviti izvorny kod]Liara T'Soni (ang.: Liara T’Soni) — je azarijska naučnica, a takože biotička, koja zajmaje se ksenoarheologijeju. Ona je možnym romantičskym interesom za Šepardov obohdvoh polov. Ona je dočera azarijskyh matriarhov Benezije i Etity — ih takože možno stretiti v čas igry v različnyh situacijah.
Posle izničtoženja prvoj Normandije ona iskala telo komandera i predala jego Cerberusu zaradi vozkresanja, a takože iskala nekojego Tenjevogo Posrednika, koj silil se dati telo komandera Kolektoram.
Glas jej dala aktrisa Ali Hillis[7].
Garus Vakarian
[praviti | praviti izvorny kod]Garus Vakarian (ang.: Garrus Vakarian) — je turianec, ktori rabotal v službe bezpečnosti Citadelji. Posle něktoryh činov od strany administracije služby bezpečnosti Citadele on odšel odovud i prisjedinjaje se k odredu Šeparda, daby pomogti jemu. On je vozmožny romantičsky interes dlja Šeparda-ženy v Mass Effect 2, roman ktory možno prodolžiti v Mass Effect 3.
Glas jemu dal aktor Brandon James Keener[7].
Tali Zora
[praviti | praviti izvorny kod]Tali Zora (ang.: Tali'Zorah) — je kvarianka-tehnička, ktora pomogaje v Mass Effect razkryti Sarena Arteriusa. Ona je vozmožny romantičsky interes dlja Šeparda-muža v Mass Effect 2 i Mass Effect 3 (akoli preneseny je roman iz vtoroj igry).
V hodu trilogije ona imaje nekoliko različnyh imen, koji dane sut jej za kosmičnogo koraba, na kojem ona je v ekipu: Tali Zora nar Raja (ang.: Tali'Zorah nar Rayya), Tali Zora vas Nima (ang.: Tali'Zorah vas Neema), Tali Zora vas Normandija (ang.: Tali'Zorah vas Normandy). Na to takože mogut vlijati izbory igrača v trilogije.
Džejkob Tejlor
[praviti | praviti izvorny kod]Džejkob Tejlor (ang.: Jacob Taylor) — je byl soldatom Aliansa, jednako ostavil službu v armije. V momentu igr je agent Cerberusa. Dost verujet v idealy svojej organizacije. Javjaje se v Mass Effect 2. Može byti romantičskym interesom za Šeparda-ženu.
Glas jemu dal aktor Adam Lazarre-White.
Miranda Louson
[praviti | praviti izvorny kod]Miranda Louson (ang.: Miranda Lawson) — je oficer Cerberusa. Javjaje se v Mass Effect 2. Je operator projekta "Lazar" (ang.: Lazarus) dlja vračenja Šeparda do žitja od smrti. Može byti romantičskym interesom dlja Šeparda-muža v Mass Effect 2 i, akoli je byl roman vo vtoroj igrě, v Mass Effect 3.
Glas jej dala aktrisa Yvonne Jaqueline Strzechowski.
Grant
[praviti | praviti izvorny kod]Grant (ang.: Grunt) — je umetno-neprirodno stvorjeny krogan, koj javil se v Mass Effect 2.
Glas jemu dal aktor Steven Blum.
Iztočniky
[praviti | praviti izvorny kod]- 1 2 Manual 2008, str. 7-9.
- ↑ Mass Effect (Video Game 2007) - Full cast na IMDb
- ↑ Mass Effect (Video Game 2007) - Full cast na IMDb
- ↑ Raphael Sbarge - Video Game Credits - MobyGames, "Mass Effect (Xbox 360) Kaidan Alenko"
- ↑ Mass Effect (Video Game 2007) - Full cast na IMDb
- ↑ Mass Effect (Video Game 2007) - Full cast na IMDb
- 1 2 3 4 Mass Effect (Video Game 2007) - Full cast na IMDb