Prějdti k sodržanju

Tamilsky jezyk

Izvor: Vikipedija

Tamilsky jezyk (tam.: தமிழ் [tɐmɪɻ]) je dravidsky jezyk, govorjeny prěvažno narodom Tamilov v južnovozhodnoj Aziji. Je služebny jezyk indijskogo štata Tamil Nadu i unijnogo teritorije Pudučeri, a takože jedin iz nacionalnyh jezykov Šri Lanky i Singapura. Kromě togo govori njim obširna diaspora, medžu drugymi v Malaziji, Mavriciju i različnyh zapadnyh državah. Vsego govoret njim veče neželi 85 milionov ljudij, čto čini tamilsky jednym iz najgovorjenějših jezykov na světu.

Po stanju 2026 g. tamilsky je jedin iz jedinnadseti klasičnyh jezykov Indije iz pričiny jegovoj nadobyčnoj starosti, bogatoj literatury i nezavisnogo proizhodžen‌ja. S neprěrvanoju dokumentovanoju historijeju tamilsky imaje jednu iz najdolžejših literaturnyh tradiciji na světu, starějšu neželi 2500 lět. Ranne epigrafične nahodky i inskripcije daže datujut se od 6-ogo do 3-ogo stolětja p.n.e.