Teatr
Teatr (od davnogreč.: θέατρον, théatron — osnovne značenje jest město dlja gledanja, město dlja zrělišč, potom — zrělišče, samo od θεάομαι, theáomai — viděti, smotriti, observovati) jest surabotničska forma izpolnjajučej umětnosti, ktora koristi živyh izpolniteljev, obyčajno aktorov, da by prědstaviti prěživanja realnogo ili izmysljenogo sobytja prěd živoju publikoju v specifičnom městu, često na estradě. Izpolnitelji mogut soobčati tuto prěživanje publikě črěz kombinacije gжesta, rěči, pěsnje, muziky i tanca. On jest najstarša forma dramy, hot k živomu teatru sut se nyně priključili moderne zapisane formy. Elementy umětnosti, take kako maljevana scenografija i scenično uměnje, take kako osvětljenje, koristajut se, da by uveličiti fizičnost, prisutnost i bezposrědnost prěživanja. Města, normalno budynky, kde prědstavjenja regularno odbyvajut se, sut takože nazyvane "teatry".
Moderny zapadny teatr proizhodi, v velikoj měrě, od teatra staroj Grecije, od ktorogo on pozajmaje tehničnu terminologiju, klasifikaciju v žanry i mnoge iz jegovyh tem, tipičnyh personažev i elementov fabuly. Teatralny umětnik Патрис Пави (Patrice Pavis)Patrice Pavis (Patris Pavi) definuje teatralnost, teatralny jezyk, scenično pisanje i specifičnost teatra kako sinonimične izrazy, ktore različajut teatr od inyh izpolnjajučih umětnostij, literatury i umětnostij voobče. Opirajuči se na "semiotikě" Чарлза Сандерса Пирса (Charles Sanders Peirce)Charles Sanders Peirce (Čarlza Sandersa Pirsa), Patrice PavisПатрис Пави prodolžaje sugerovati, že "specifičnost teatralnyh znakov može ležati v jih sposobnosti izkoristati tri možlive funkcije znakov: kako ikon (mimetično), kako indeks (v situaciji enuncijacije), ili kako simbol (kako semiologičny sistem v fiktivnom režimě). V efektě, teatr dělaje izvory slov vizualnymi i konkretnymi: on ukazyvaje i vopločaje fiktivny svět posrědstvom znakov, tako, že do konca procesa signifikacije i simbolizacije zritelj jest rekonstruoval teoretičny i estetičny model, ktory objasnjaje dramatičny vsemir."
Teatralna kompanija jest organizacija, ktora produkuje teatralne prědstavjenja,[1] v različju od teatralnoj trupy (aktorskoj družiny), ktora jest grupa teatralnyh izpolniteljev rabotajučih zajedno.[2][3]
Moderny teatr vključaje prědstavjenja spektaklov i muzikalnogo teatra. Umětničske formy baleta i opery sut takože teatr i izkoristajut mnoge konvencije, take kako igranje rolj, kostjumy i inscenizaciju. One byli vlivne v razvitju muzikalnogo teatra.
Iztočniky
[praviti | praviti izvorny kod]- ↑ "Theatre company". Collins English Dictionary. Data dostupa: 5 mareca 2026.
- ↑ "Definition of Troupe". Merriam-Webster. Data dostupa: 5 mareca 2026.
- ↑ "Troupe". Collins English Dictionary. Data dostupa: 5 mareca 2026.
- Tutoj članok imaje prěvod iz članka «Theatre» v Vikipediji na anglijskom (spis avtorov; dozvoljenje CC BY-SA 4.0).