Tollywood
TollywoodТоливуд (ang.: Tollywood) jest kinematografičny promysl na jezyku telugu, ktory jest aktivny v Indijskyh štatah Andra Pradeš i Telangana. Nazva proizhodi od amerikanskogo kinematografičnogo promysla HollywoodХоливуд i največšego indijskogo kinematografičnogo promysla BollywoodБоливуд, pri čem bukva T prědstavjaje jezyku telugu.
Promysl i budžet
[praviti | praviti izvorny kod]
Od 1909 goda Raghupathi Venkajah zajmal se produkovanjem kratkyh filmov, a v svezi s tym putoval do različnyh regionov Azije, da by promoval svoje děla. V 1921 g. on produkoval němy film Bhishma Pratigna. V 1932 g. nastupil Bhakta Prahlada, prvy polnometražny film govorjeny na jezyku telugu. Prvy veliky uspěh TollywoodaТоливуда jednakože byl film Lavakusa (1934).
Pathala Bhairavi (1951), Malliswari (1951), Devadasu (1953), MayabazarМајабазар (1957), Nartanasala (1963), Maro CharitraМаро Чаритра (1978), Maa BhoomiМа Бхуми (1979), Sankarabharanam (1980), Sagara Sangamam (1983) i Siva (1989) včisljajut se do 100 najlěpših indijskyh filmov vsih časov od CNN-IBN.
Baahubali: The Beginning (2015) – prvy indijsky film, v ktorom byl koristany specialno stvorjeny umětny jezyk (kiliki) – byl nominovany na Saturn Award za «najlěpši fantastičny film». Vtora čest, Baahubali 2: The Conclusion (2017), ako jediny indijsky film dostal Saturn Award za «najlěpši medžunarodny film».
Kinematografičny promysl na jezyku telugu prěvažno nahodi se v gradu Hajderabad. Vsakogodišnje tvoret se okolo 200 do 250 filmov. Na jedin film trati se srědnje okolo 50 milionov indijskyh rupi, na popularne filmy izdavaje se od jednogo do treh miliardov, a na največše filmy od treh do šesti miliardov.
Najuspěšnějše filmy po světu
[praviti | praviti izvorny kod]| Pozicija | Film | God | Režiser | Studio | Dohod |
|---|---|---|---|---|---|
| 1 | Baahubali 2: The Conclusion | 2017 | S. S. RajamouliС. С. Раджамули | Arka Media Works | Rs. 1810 kror |
| 2 | Baahubali: The Beginning | 2015 | S. S. RajamouliС. С. Раджамули | Arka Media Works | Rs. 650 kror |
| 3 | SaahoСахо | 2019 | SujeethСуджитх | UV Creations | Rs. 433 kror |
| 4 | Ala Vaikunthapurramuloo | 2020 | Trivikram Srinivas | Haarika & Hassine Creations | Rs. 262 kror |
| 5 | Sarileru NeekevaruСарилеру Никевару | 2020 | Anil Ravipudi | AK Entertainments | Rs. 260 kror |
| 6 | Sye Raa NarasimhaСје Ра Нарасимха | 2019 | Surender ReddyРеди | Konidela Production Company | Rs. 240.6 kror |
| 7 | Rangasthalam | 2018 | Sukumar | Mythri Movie Makers | Rs. 216 kror |
| 8 | Bharat Ane Nenu | 2018 | Koratala Siva | DVV Entertainments | Rs. 187.6-225 kror |
| 9 | Attarintiki Daredi | 2013 | Trivikram Srinivas | Sri Venkateswara Creations, Reliance Entertainment | Rs. 187 kror |
| 10 | MaharshiМахарши | 2019 | Vamsi PaidipallyПајдипали | Sri Venkateswara Creations Vyjayanthi Movies PVP Cinema |
Rs. 168.2-200 kror |