Tysečlětje

Tysečlětje (lat.: millennium, od mille «tyseč») je neprěryvany period tyseči lět. V konkretnějšem značen‌ju tysečlětje je jedin iz regularnyh periodov tyseči lět, na ktore kalendar razděljaje čas na prvo tysečlětje, vtoro tysečlětje, trětje tysečlětje i t.d. V takom ustroju prvo tysečlětje sostoji iz prvyh tyseči lět: načinaje s v godu 1 i končaje se poslě minutja tyseči lět, na koncu goda 1000. Potom vtoro tysečlětje načinaje se v godu 1001 i končaje na koncu goda 2000, a tretje tysečlětje načinaje se od goda 2001. Ačekoli onogda gregoriansky kalendar ješče ne istnoval, prvy god je 1; nikogda ne bylo nijednogo goda 0. To, že mnogym ljudam izdavaje se, že novy period nastavaje, kogda načinaje god končaje se na 0, v principu je zabluda.

Jednakože v medžunarodnoj normě ISO 8601 tysečlětje načinaje se od goda, ktory je dělimy na 1000. Suglasno tomu standardu period od 1000 do 1999 g. tvori vtoro tysečlětje, čto veže se s tym, že tutoj standard prědpolagaje nulovy god, ktory v istinnosti je -1 p.n.e.