Věža (šahy)
Věža ili zamok (Unikod ♖♜) jest šahova figura, koja po formě napominaje věžu. Každy iz igračev imaje dvě take figury, ktore sut razměščene po kutam šahovnice; běle sut na a1 i h1, črne sut na a8 i h8.
Hod
[praviti | praviti izvorny kod]Věža može hoditi na neograničenu dalj horizontalno abo vertikalno (ako li jedino na pitu ne stoji kojakoli figura), atakujuči na svojem putu ktoru-nebud figuru supernika.
Rokada
[praviti | praviti izvorny kod]Rokada jest hod v šahah, pri ktorom kralj hodi na dva polja po horizontali s jednočasnym prěstavjeńjem věže na polje, skroz ktoro prošel kralj. Rokadu s hodom věže (lěvoj) na tri polja imenujut dolgoju, i kratkoju, ako li věža prošla dva polja. Rokada v šahovom zapisu jest napisana kako 0-0-0 (dolga rokada) abo 0-0 (kratka rokada).
Jestvujut něktore pady, pri ktoryh nemožno srabiti rokadu:
- Rokada stane nemožlivoju:
- ako li kralj uže rabil hody;
- s věžeju, ktora uže rabila hody.
- Rokada dočasno je nemožliva:
- ako li polje, na kojem jest kralj, ili polje, na ktoro vstane ili projde kralj poslě rokady jest pod atakoju figury supernika (šah abo grozba šahom);
- ako li na horizontali medžu kraljem i věžeju jest někaka figura.
Unikod
[praviti | praviti izvorny kod]Unikod imaje dva koda dlja věže:
♖ U+2656 Běla věža (HTML ♖)
♜ U+265C Črna věža (HTML ♜)