Vikipedija:Članky s zvězdoju

Članky s zvědzoju sut članky, ktore koristniki tutogo projekta uvažajut najlěpšimi člankami medžuslovjanskoj Vikipedije. One sut osoblivo važne, ibo sut naša vitrina prěd vněšnjim světom i sut izobražane poprěměnno na našej glavnoj stranici. One sut označene maloju zvězdočkoju () v pravom vrhnjem kutu stranice. Iz totalnogo čisla 1466 člankov v našej Vikipediji, 22 nyně imajut zvězdočku. To znači, že jedin iz 66 naleži k tutoj kategoriji.

Kriterije

Očevidno, da by članok kvalifikoval se do vključenja v kategoriju Člankov s zvězdoju, on povinen je byti priklad našej najlěpšej raboty i dovod unikalnyh možnostij Vikipedije. V svezi s tym on povinen izpolnjati oprěděljene kriterije:

Razměr i izgled

1. Članok davaje dovoljno obširny i prilično kompletny opis prědmeta. Vse važne aspekty i podrobnosti sut prisutne.
2. Članok imaje značnu veličinu (minimalno 10 KB) i ne je mnogo kratši od jegovyh ekvivalentov v drugyh izdan‌jah Vikipedije.
3. Članok, pokoliko možno, imaje uměstne ilustracije.
4. Članok je dobro sbudovany: imaje vvod, ktory opisyvaje prědmet v několikyh rěčen‌jah, i logično podrazděljen‌je v razděly, ktore ne sut ni prědolge ni prěkratke.
5. Pokoliko uměstno, članok sodrživaje vikilinky (modre ili črvene linky) na druge članky, ktore imajut značen‌je za prědmet.

Sodržan‌je

1. Članok je dobro napisany, takym sposobom, da by čitatelj mogl go legko pročitati i srazuměti.
2. Sodržan‌je je sgodno s pravdoju. To znači, že fakty možno je prověriti s pomočju citovanyh iztočnikov i izvorov.
3. Članok je napisano nevtralno i ne prědstavjaje samo jednu kontroversijnu točnu zrěn‌ja.
4. Članok je stabilny, drugymi slovami: ne trěba go vsakodnevno izměnjati iz pričiny novyh sobytij.
5. Članok je originalna rabota: ne je skopiovana ili izključno prěvedena odnikud i ne narušaje ničije avtorske prava.

Jezyk

1. Članok je napisany na popravnom medžuslovjanskom jezyku, sgodno s gramatičnymi pravilami i slovnikom.
2. Ako članok je napisany latiniceju, trěba uběditi se, že on s pomočju jezyčnyh šablonov izgledaje tako samo dobro na kirilici, i naopak.

Članky

Nyně v našej vitrině nahodet se slědujuče članky:

• Agregatno stanje
• Alkibiad
• Emilia Plater
• Evropejsky sojuz
• Јанка Купала
• Kompleksno čislo
• Krtek
• Latinizacija ukrajinskogo jezyka
• Levko Revuckyj
• Maks Štirner
• Medžuslovjansky jezyk
• Mojsej
• Perikl
• Русскы језык
• Solnce
• Srbskohrvatsky jezyk
• Т-55
• Ukrajinska azbuka
• Ukrajinska latinica
• Ukrajinsky jezyk
• Vojtek (medvěd)
• Volodymyr Vynnyčenko

Kandidovati novy članok

Ako vy myslite, že někoj članok je dostatočno dobry, možete go kandidovati na članok s zvězdoju. Napišite v takom slučaju poslan‌je v Krčmě. Kogda članok bude prijety, možno bude go označiti s pomočju Šablon:Članok s zvězdoju.