Vikipedija:Grupy koristnikov

Koristniki i koristnice mogut byti vključenymi v različne grupy koristnikov dlja dodan‌ja možlivosti provoditi poněktore dějan‌ja v softveru Medijaviki. Grupy dodajut jedino koristnikam s kontom. Něktore grupy dodajut se avtomatično, ine dodajut se ručno. Spis prav každoj grupy jest dostupny publično.

Poniž jest spis grup koristnikov, ktore sut dostupne dlja dodan‌ja městnoju občinoju. Vy možete poprositi dodan‌ja tutyh grup svojemu kontu v krčmě občiny. Ine grupy koristnikov potrěbujut globalnogo odobrjen‌ja občinoju.

Koristniki

Koristniki, ktore izměnjajut viki črěz stvoreno jimi konto (stvoriti konto, mogut pisati elektroničnoju poštoju inym koristnikam, jestli oni aktivujut adres e-pošty v svojih nastavjen‌jah. Vsi koristniki mogut označati svoje izměny kako male. Nepotvrdženi koristniki sut dolžni odgovarjati kapču (CAPTCHA) pri dodan‌ju linkov na ine sajty. Oni takože mogut izměnjati svoj interfejs i različne nastavjen‌ja črěz stranicu nastavjenij i sobstvene stranice JS i CSS.

Avtomatično potvrdženi koristniki

Něktore dějan‌ja v Vikipediji sut obmedžene do koristnikov, ktore minuli něktore pragy po věku konta i čislu pravok. Koristniki, konto ktoryh jest starše od 4 dnjev i ktori sdělali hot by 10 pravok, avtomatično prijmajut grupu avtomatično potvdrženyh koristnikov. Tutu grupu jest nemožlivo oddaliti od konta. Avtomatično potvrdženi koristniki mogut prěimenovati stranice i praviti poluohranjene stranice.

Samoprověrjajemi koristniki

Stranice danyh koristnikov prověrjajut se avtomatično, a jih pravky prověrjajut se, jestli prědšedša revizija uže byla prověrjena. Dane prava sut avtomatično naznačajeme administratoram.

Spis samoprověrjajemyh koristnikov

Prověrjatelji

Dani koristniki mogut prověrjati stranice i pravky inyh koristnikov, prěimenovati stranice kategorij stranice s jihnymi podstranicami. Stranice, ktore možlivo prověrjati, sut članky, šablony i moduly. Jihne pravky takože prověrjajut se avtomatično, kako u samoprověrjajemih koristnikov.

Spis prověrjateljev

Administratori

Prava administratorov dodavajut po glasovan‌ju občina dostojnym koristnikam, ktori jih proset. Poslě glasovan‌ja trěba napisati podan‌je do stewardovстјуардов na MetaViki. Dani koristniki mogut izčrknuti, ohranjati i stabilizovati stranice, blokovati i odblokovati inyh koristnikov, praviti ohranjene stranice, praviti interfejsne poslan‌ja Medijaviki, i dodavati inym koristnikam grupy «Odstranitelji», «Prověrjatelji» i «Samoprověrjajemi koristniki».

Spis

(link na spis administratorov)

Administratori interfejsa

Prava administratorov interfejsa dodavaje po glasovan‌ju občina dostojnym koristnikam, ktore umějut dobro praviti CSS i/ili JS. Poslě glasovan‌ja trěba napisati podan‌je do stewardovстјуардов na MetaViki. Administratori interfejsa mogut praviti sajtovy CSS, Džavaskript (JS) i JSON (take stranicy kako MediaWiki:Common.js i MediaWiki:Vector.css, abo stranice gadžetov), CSS/JS/JSON-stranice inyh koristnikov, i stranice v imennom prostoru MediaWiki.

Spis

(link na spis administratorov interfejsa)

IJzeren Jan besěda vklad

Bjurokrati

Prava bjurokratov dodaje po glasovan‌ju občina dostojnym koristnikam, ktore jih proset i uže stali administratorami. Oni mogut dodavati inym koristnikam grupu «Administrator» i dodavati i odčinjati grupu «Bot». Jednakože v praktikě medžuslovjanska Vikipedija ne može iměti vlastnyh bjurokratov, ibo suglaso politikě mogut jih iměti samo večše projekty, v ktoryh uže jest minimalno šest stalyh administratorov.

Spis

(link na spis bjurokratov)

Nijedin koristnik ne najden.

Druge grupy

Odstranitelji

Koristniki, ktorym jest dodana grupa odstranitelja, mogut odstranjati pravky črěz funkciju odstranen‌ja. Funkcija odstranen‌ja možlivo jest koristati jedino v slučajah vandalizma i odstranen‌ja svojih pravok.

Spis koristnikov-odstraniteljev

Boty

Konta, ktore koristujut odobrjene boty dlja stvorjen‌ja doodobrjenyh pravok, mogut označati se tako. Konta botov sut avtomatične ili poluavtomatične, jih pravky sut dobro opisane i one budut zablokovane, jestli jih dějan‌ja različajut se od jih obyčnyh, tomu jih ne trěba prověrjati tako že silno, kako pravky ljudij.

Pravky i ine dějan‌ja botov ne pokazyvajut v poslědnjih izměnah ili spiskah slědženyh stranic dlja koristnikov, ktore ne vključili možlivost pokazyvati pravky botov. Male pravky botov na besědnyh stranicah besěd ne uvědamjajut o novyh poslan‌jah. Boty mogut koristati API v 5,000 odzyvah za raz, a ne 500.

Spis koristnikov-botov