Vikipedija:Konsensus

Konsensus jest sposob besědy i suraboty s cěljem prijetja rěšenij. V Vikipediji to jest glavny sposob prijetja rěšenij. Konsensus može takože označati rěšenje, prijete v toj sposob, napriklad: „Konsensus byl o tom, abyhmo koristili novy obraz zaměsto starogo”. Ine grupy uživajut konsensus, ale my v Vikipediji pišemo enciklopediju i imamo osoblivy sposob dělanja togo.

Govorjenje i molčanje

Konsensus se obyčajno ima kogda něliko ljudij sutrudet v někojej viki. Vo ktorojkoli viki, ktokoli može praviti skoro každu stranicu. Vsi ini, čitajuči te pravky, mogut jih ostavjati ili zaměnjati inymi. Jestli někto rěče něčto o pravkě a potom ju odčinja, vsekomu jest o tom pogovoriti. Jestli nikto ničto ne rěče ob izměně, to znači, že vsekto se suglaša. Tuta ideja se često nazyva „molčanje znači konsensus”. To jest pravda jedino jestli dostatočna kolikost ljudij vidi izměnu: malu izměnu na maloj stranici mogut ne uviděti mnogo ljudij. Potrěbno jest spytati inyh (napriklad v kavarnji) jestli se děla veliku izměnu v važnoj stranici i nikto o njej ničto ne rěka.

Pravila

Konsensus o stranici jest stvarjam ljudami, pracujučimi na toj straniceji. Jednako ne mogut idti protiv konsensusa cěloj Vikipedije. Pracovali smo zajedno v napisanju mnogyh pravil o tom, kak jest potrěbno pisati tutu Vikipediju. Te pravila mogut buti izměnjene občinoju jestli konsensus se prěměni, ale ljudi muset na početku o tom pogovoriti.

Tvorjenje konsensusa

Konsensus se tvarja prěz besědu, pravky, ili to i to. Konsensus može pracovati jedino medžu redaktorami, považanučimi jedin drugogo. To znači mysljenje, že vsekto pracuje za ulěpšenje enciklopedije (prědpokladanje dobroj volje). Tvorjenje konsensusa takože znači, že každy musi byti oboravny aby dosegnuti kompromisa, so ktorym vsekto se može suglasiti.

Ankety

V pomoči tvorjenja konsensusa poněkogda se koristet ankety. V njih ljudi se podpisyvajut, izražajuči svoje mnjeje. Ti, ktori sut novi v Vikipediji, mogut pomysliti, že to jest glasovanje, ale to ne jest tako. Za iskanje konsensusa se ne sčitajut imena. Tako jest zato že konsensus ne jest prosto to čto večinstvo ljudij rěče, že jest povinno se stati. Ankety se obyčajno stavet na početku besědu, a ne v koncu.

Čto konsensus ne jest

Něktori mogut myliti konsensus s inymi věčami, kako:

• glasovanjem: konsensus ne jest o tom, aby uviděti, kto ima večinstvo ljudij na svojej straně.
• jednoglasnymi rěšenjami, kogda vsekto se suglaša. Mogut byti pady, kogda něktori nesut suglasni. Ubědženja vsih sut do obgovarjanja, ale mogut byti ljudi, ne razděljajuči jih. To ne znači, že nema konsensusa.

Konsensus se može izměniti

Redaktori mogut prědložiti izměnu do dněšnogo konsensusa, osoblivo za voznesenje prědhodno neobvaženyh argumentov ili okolnostij. Iz drugoj strany, prědloženje izměny do nedavnogo konsensusa može byti niščivo. Redaktory mogut prědložiti izměnu do konsensusa prěz besědu abo pravku. S tym, v večinstvu slučajev, redaktor, věduči, že prědlagajema izměna vlije na pytanje, rěšeno prošedšeju besědoju, jest povinen prědložiti tu izměnu. Redaktori, odčinjajuči izměnu v stranici, voobče sut povinni izběgati kratkyh objasnjenij (takyh kak „protiv konsensusa”), zato že one ne pomagajut redaktoru, prědloživšemu ju (ili jestli se rěša koristiti tako kratko objasnjenje, radimo jest takože postaviti link na besědu kde byl stvorjen konsensus).