Vikipedija:Ne otegčajte pracu v Vikipediji da byste něčto dokazali

Jestli ne jeste soglasni s někojim pravilom abo něčijim dějan‌jem v Vikipediji, vsegda jest rekomendovano pogovoriti o tom na stranici besědy. Ne jest dobro postupati takože s cěljem dokazati, že protivnik se myli.

Priklady

Jestli někto prědloži, že Vikipedija stane demokratičnoju občinoju, kde vse rěšaje se prěz večinstvo glasov:

zauvažite, že ktorykoli koristnik može iztvoriti mnogo pritvornyh kont i glasovati na každom;
ne iztvarjajte mnogo pritvornyh kont, da byste pokazali, že vy imate pravdu.

Jestli někto iztvori članok o temě, ktoru ne uvažajete zajmlivoju, a občina se ne soglasi:

izrazite svoje mněn‌je na stranici za oddaljen‌je članka;
ne iztvarjajte velje glupějši članok, da byste go našli srěd stranic do oddaljen‌ja.

Jestli někto stavi vaš članok v spisok do oddaljen‌ja, a vy mnite, že jest sotky velje goršyh člankov, o ktoryh nikto ne narěka:

izrazite na stranici za oddaljen‌je članka svoje mněn‌je s dovodami i žrlami;
ne stavite sotky inyh člankov v spisok do oddaljen‌ja da byste spasli svoj.

Jestli članok, ktory jeste postavili v spisok do oddaljen‌ja, ne jest oddaljen:

pomyslite ob uměstnosti svojego prědložen‌ja;
ne stavite toj članok v spisok člankov so zvězdoju.

Jestli vy hčete izměniti nastoječe pravilo:

pogovorite o tom na stranici besědy abo v Krčmě i počekajte soglašen‌je občiny;
ne usilujte pravilo. da byste dokazali, že ono može byti opasno.

Jestli vy mnite, že imennik abo pridavnik v članku jest potrěbno zaměniti:

objasnite, že upotrěbjeno slovo ne jest oboravno;
ne vlagajte to slovo v ine članky, da byste dokazali svoju pravdu.

Gluposti

Ne pišite v člankah gluposti, da byste uviděli, kako bystro občina jih najde.