Vikipedija:O projektu

Vikipedija jest medžunarodna internet-enciklopedija, ktora sili se dati svobodno koristajeme, objektivne i prověrime informacije na vsih uznanyh jezykah. Tuto jest versija na medžuslovjanskom jezyku. Prva versija projekta byla stvorjena 18 junija 2007 goda, 19 lět tomu nazad, po prikladu Vikipedije. Od 8 maja 2024 ona nahodi se v Inkubatoru – město za testovanje novyh vikiprojektov, kde učestniki mogut dokazati, že jihny projekt jest sposobny za vlastny projekt – a 23 junija 2026 nakonec byla stvorjena Vikipedija na medžuslovjanskom jezyku.

Vsekto može učestvovati i pomagati stvarjati Vikipediju. Iztvorite konto i vy smožete legko iztvoriti novy članok, razširjati jestvujuče članky ili izpravjati v njih grěšky. Jednakože pametaje, že vse izměny povinne sut byti sgodne s zasadami Vikipedije. Nyně medžuslovjanska Vikipedija imaje 1,587 člankov na medžuslovjanskom jezyku.

1200

1300

1400

1500

1600

1700

1289

Poněktore města dlja ulěpšen‌ja Vikipedije:

• 1000 najvažnyh člankov dlja každoj viki-enciklopedije
• Najkratke članky
• Najpotrěbne članky
• Članky s grěškami v pravopisu

Prědpisy

Ako enciklopedičny projekt, my slědujemo prědpisam Vikipedije, osoblivo anglijskojezyčnoj. Něktore generalne prědpisy i prěporučen‌ja:

1. Medžuslovjanska Vikipedija imaje v cělju razumlivost člankov ljudam, ktori najčesto budut čitati jih, i generalno vsekomu, ktory vladaje jednym slovjanskym jezykom. Članky možno jest pisati udobnym alfabetom (kiriliceju ili latiniceju).
2. V občem je dobro, ako članky imajut od 10–12 rěčenij i vyše. Nikto ne bude odstranjati menše članky, ale dlja zdravja enciklopedije i koristi dlja aktivnyh i pasivnyh koristnikov trěba, že ne imajemo tu masovy kratky kontent.
3. Ako vy prěvodite članky iz drugyh izdanij Vikipedije, prosimo ukazyvati jih iztočnik v formatu Prěvod članka [[w:KodJezyka:NazvaČlanka]] v opisu vaših izměn ili s pomočju šablona {{Prěvod}} na koncu članka (lěpje obydva). To jest požedan‌je dozvoljen‌ja (licenzije) Vikipedije.
4. Každy kratky članok jest buduče dělo dlja inyh ljudij. Jestli vy jeste už stvorili kratke članky, ktore možlivo jest ulěpšiti tekstom, ulěpšite jih do uravnja 10–12 rěčenij, a ne stvarjajte nove.
5. Kartky sut koristne, ale koristati jih trěba dopoka jedino v velikyh člankah, kde kartka ne bude měšati staviti tekst i obrazy.
6. Navigacijne šablony ne trěba dělati prěmnogo velikymi, ibo od velikyh šablonov nemaje navigacije. Navigacijne šablony sut v mobilnoj verziji, i vslěd togo članok može imati ne vyše 3 navigacijnyh šablonov. Ne stvarjajte šablony, ktore skoro izključno sostojet iz črvenyh linkov.
7. Kategorije sut koristne, ale v občem trěba stvarjati nove kategorije samo, jestli jestvujut hot by 2 članky ili kategorije, ktore v njih mogut byti umeščene.

Spis

Čest prěvodov prědpisov dajemo niže spisom. Ine prědpisy mogut byti v kategoriji.

• Priručnik stilja
• Grupy koristnikov
• Konsensus
• Oboravna točka zrěnja
• Vojna pravok
• Prědpokladajte dobru volju

Historija

• 18 junija 2007 Gabriel Svoboda stvoril prvu medžuslovjansku viki (na onogdašnjej versiji Slovianski-P).
• 11 dekembra 2009 Jan van Steenbergen (IJzeren Jan) stvoril drugu medžuslovjansku viki poslě sjedinjen‌ja ranějših versij jezyka Slovianski (potom ju prěměščali na hostingy Wikinet i Orain).
• 17 maja 2017 na osnově prošlyh viki koristnikom Lev byla stvorjena Medžuviki pod domenom isv.miraheze.org.
• V maju 2018 v Medžuviki byl vvezen Vikisbornik Mihala Svata (Asank)
• 8 maja 2024 byl založen projekt za medžuslovjansku Vikipediju v Inkubatoru Vikimedije.
• 23 junija 2026 byla stvorjena Medžuslovjanska Vikipedija.

Takože

• Krčma – plošča dlja besěd občiny Vikipedije
• Diskord-server dlja prostyh pytanij i besěd občiny
• Pomoč